හම්බන්තොට පොලිස් අත්අඩංගුවේ සිටිය දී තරුණයකු අතුරුදන්වීමේ සිද්ධිය සම්බන්ධයෙන් පොලිස් කොමිසම වාර්තාවක් කැඳවා ඇති බවට වාර්තා සඳහන් කරයි.
මෙම සිද්ධිය සම්බන්ධයෙන් තංගල්ල ජ්යෙෂ්ඨ පොලිස් අධිකාරිවරයා විසින් විශේෂ විමර්ශනයක් ආරම්භ කර ඇති අතර තරුණයා සෙවීමට විශේෂ පොලිස් කණ්ඩායමක් 4ක් යොදවා ඇත.
තරුණයා අතුරුදන්වීමේ සිද්ධිය සම්බන්ධයෙන් හම්බන්තොට මූලස්ථාන පොලිස් පරීක්ෂකවරයා ඇතුළු 5 දෙනෙකුට ස්ථාන මාරුවිම් ලබා දී ඇති බව ද පොලිස් මාධ්ය ප්රකාශක කාර්යාලය පවසයි.
සොරකමක් සම්බන්ධයෙන් සැකපිට අත්අඩංගුවට ගෙන සිටි හම්බන්තොට, බඳගිරිය ප්රදේශයේ පදිංචිකරුවකු වූ ජී.ජී. ගයාෂාන් නමැති 20 හැවිරිදි එම තරුණයා පොලිස් අත්අඩංගුවවේදී අතුරුදන්ව ඇත.
පසුදා උදෑසන පොලිසිය විසින් ගයාෂාන් නමැති තරුණයාගේ ඥාතීන් හට පසවා ඇත්තේ ඔහු පොලිස් අත්අඩංගුවෙන් පළා ගිය බවයි.
මේ වන තෙක් අදාළ තරුණයා පිළිබඳ කිසිදු තොරතුරක් ලැබී නොමැති අතර මේ සම්බන්ධව තරුණයාගේ ඥාතීන් විසින් හම්බන්තොට සහකාර පොලිස් අධිකාරී කාර්යාලයට පැමිණිලිකර ඇත.