බලය බෙදීම සඳහා ගෙන ඒමට සුදානම් වන නව ව්‍යවස්ථාවෙන් ජාතික ප්‍රශ්නයට සහ සුළු ජනයා හට පිළිගත හැකි විසඳුම් ලබා නොදෙන්නේ නම් එවැනි ව්‍යවස්ථාවක ඇති ඵලය කුමක් දැයි උතුරු පලාත් සභා මන්ත්‍රීවරයෙකු ප්‍රශ්න කරයි.
සිංහල ජනයාට බිය වී ආණ්ඩුව විසින් නිවැරදි විසඳුමක් ලබා දීමට අපොහොසත්ව ඇති බවට පසුගියදා කොළඔ දී මාධ්‍ය වෙත අදහස් දක්වමින් එම්.කේ සිවාජිලිංගම් මන්ත්‍රීවරයා චෝදනා කළේය.
“නව ව්‍යවස්ථාව සකස් කරනවාම් නම් එක්සත් ලංකාවක් තුල සියලු ජාතීන්ට හා සියලු ආගම් වලට සමානත්වය දිය යුතු” යි උතුරු පලාත් සභා මන්ත්‍රීවරයා කියා සිටියේය.
සිංහල කැමැත්ත
විදේශිය රාජ්‍යයන් රැවටීමට නව ව්‍යවස්ථාවක් ගෙන ඒමට සුදානම් වෙනවා නම් ප්‍රශ්න වලට විසඳුම් නොලැබෙන බව කී මන්ත්‍රීවරයා සිංහල ජනායාටත් පිළිගත හැකි හොඳ විසඳුමක් ලබා දිය යුතු බව අවධාරණය කළේය.
සිංහල ජනයාගේ නොකමැත්තෙන් කිසිඳු විසඳුමක් ලබා දිය නොහැකි බව මෙන්ම රට දියුණු කිරීමට මෙය හොඳ අවස්ථාවක් බැවින් නව ව්‍යවස්ථාව ගෙන ආ යුතු බව වැඩි දුරටත් කියා සිටියේය.
Facebook Comments
