රටේ ප්‍රගතියට බාධා වන නම් ආණ්ඩුක්රම ව්‍යවස්ථාවක් වෙනස් කිරීමේ අයිතිය ජනතාවට තිබෙන බව පාර්ලිමේන්තු මන්ත්‍රී රවී කරුණානායක පවසයි.
පසුගිය වසර 70 වැඩි කාලයක් ගෙවී ගියේ කණගාටුදායක පරිසරයක් තුළ බව පෙන්වා දුන් මන්ත්‍රීවරයා රෝගී වූ සමාජය සුවපත් කරන්න අවශ්‍ය යැයි 08 බදාදා පාර්ලිමේන්තුව විසින් පත්කරන ලද ආණ්ඩුක්රම ව්‍යවස්ථා මණ්ඩලයේ මෙහෙයුම් කාරක සභාවේ අතුරු වාර්තාව පිළිබඳ විවාදයට එක්වෙමින් කියා සිටියේය.
“වත්මන් ව්‍යවස්ථාවට පැහැදිළි වෙනසක් කළ යුතුයි. අපේ රට පාලනය කරන ආකාරය, මේ පිළිබඳ විවාදය සමාජයේ කතා කළා.අතිපූජ්‍ය මාඳුළුවාවේ සොභිත හිමියන් දුන් කැපවීම අප අගය කළ යුතු” යි මන්ත්‍රී රවී ප්‍රකාශ කළේය.
නව යුගයක් සමාජයක් නිර්මාණය කිරිමේ අවශ්‍යතාවය කී මන්ත්‍රීවරයා ශ්‍රී ලාංකික ජාතියක් අප නිර්මාණය කළ යුතු බව පෙන්වා දුන්නේය.
සංවර්ධනය බලාපොරොත්තු වන ජනතාව වෙනසකට අකමැති බව මෙන්ම ව්‍යවස්ථා සිහිනය යථාර්ථයක් කර ගත යුතු යැයි වැඩි දුරටත් කියා සිටියේය.
Facebook Comments
