මනුෂ්‍යත්වයේ උත්තරීතර බව සලකමින් නත්තලේ ප්‍රීතිය බෙදා ගන්න

0

නත්තලේ ප්‍රීතිය බෙදා ගත යුත්තේ දිළිඳුන්ට උදව් කිරිමේ ආකල්පයෙන් නොව මනුෂ්‍ය ජිවිතයේ උත්තරීතර බව සලකාගෙන බව අගරදගුරු පටබැඳිගේ දොන් ඇල්බට්‌ මැල්කම් රංජිත් කාදිනල් හිමියන් පෙන්වා දෙයි.

මෙලොව ජිවත් වන සෑම මනුෂ්‍යයෙක්ම දේව සමානකමට මවන ලද උත්තරීතර පුද්ගලයින් ලෙස සලකා කටයුතු කිරීමට උන්නදු විය යුතු බවයි සිය නත්තල් පණිවුඩය හරහා උන්වහන්සේ කියා සිටින්නේ.

ලෝකයේ බිහිවී සිටින දරුවන් ගැන මෙන්ම ඉපදීමට සිටින දරුවන් කෙරෙහිද අවධානය යොමු කල යුතු බව පවසන කාදිනල් හිමියන් ඔවුන්ගේ අයිතිවාසිකම් ගැනද කතා කළ යුතු බව සිය පණිවුඩයේ සඳහන් කර තිබේ.

පරිසරයට හානි නොකර සමරන්න

නත්තල් සමයේදී පරිසරයට හානිවන කිසිවක් සිදු නොකිරීමට වගබලා ගතයුතු බව ද කොළඹ අගරදගුරු මැල්කම් කාදිනල් රංජිත් හිමිපානන් අවධාරණය කර ඇත.

“පොලිතින් භාවිතය නිසා පරිසරයට සිදුවන හානිය අවම කිරීමට ඒ හා සම්බන්ධ පරිභෝජන භාණ්ඩ පරිහරණය අවම කිරීමටද, ඒ තුළින් පරිසර දූෂණයකින් තොරව මේ නත්තල සැමරීමටද අප අධිෂ්ඨාන කරගත යුතු” යි කාදිනල් හිමියන් නිකුත් කල නත්තල් පණිවුඩයේ වැඩි දුරටත් සඳහන් වේ.

Facebook Comments

wedding people