හමුදාවන් නොදුන් අතුරුහන් ලයිස්තුව යස්මින් සුකා යාපනයේ දී එළිදක්වයි (VIDEO)

0
1127

ලංකාවේ රාජ්‍ය පාලකයන්ගෙන් හා හමුදාවෙන් ඥාතීන් ඉල්ලා සිටි රජයට බාර දීමෙන් පසු අතුරුදහන් කරවුවන්ගේ ලැයිස්තුවේ නම් තුන් සීයකට ආසන්න සංඛ්‍යාවක් එළිදක්වා තිබේ.

2009 මැයි 18 හෝ ඒ ආසන්න දිනකදී ශ්‍රී ලංකා යුද හමුදාවට බාර දීමෙන් පසු අතුරුදහන් කරන ලද 280 දෙනාගේ නම් මෙම ලැයිස්තුවේ අඩංගු බවයි ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) පවසන්නේ.

යුද්ධ අවසානයේ හමුදාවට බාර දුන් පුද්ගලයන් පිළිබඳව නාම ලේඛනය ශ්‍රී ලංකාවේදී හබයාස් කෝපස් නඩු පැවරූ ඥාතීන් හට භාර දීම යුද හමුදාවේ 58 වෙනි සේනංකය දිගින් දිගමට ප්‍රතික්ෂේප කළ අතර එවැනි ලයිස්තුවක් හමුදාව සතුව නැති බවට ජනාධිපතිවරයා ද අතුරුදහන් වුවන්ගේ ඥාතීන් හට කියා තිබුණි.

ලයිස්තුව එළිදැක්වීම 15 අඟහරුවාදා යාපනයේ සිදු වු අතර ජොහැන්නස්බර්ග් සිට ස්කයිප් ඔස්සේ ITJP ප්‍රධානී යස්මින් සුකා එම අවස්ථාවට සම්බන්ධ වු බව සිලෝන් නිවුස් වාර්තාකරු සඳහන් කළේය.

“මෙය කිසිසේත්ම අංග සම්පුර්ණ හෝ දෝෂ රහිත ලයිස්තුවක් නොවේ. එහෙත් එය ආරම්භයකි. එයින් හෙළිදරව් වන්නේ අපරාධයේ පරිමාණය කලින් දැන සිටි තරමට වඩා අතිශයින් විශාල බවයි,” යනුවෙන් නිවේදනයක් නිකුත් කරන ITJP සංවිධානය පවසයි.

අතුරුදහන් කරවු පුද්ගලයන් හමුදාවට බාර දීම පිළිබඳව ඇසින් දුටු සාක්ෂි සහිතව මෙම ලැයිස්තුව සකස් කළ බව පවසන ITJP සංවිධානය ශ්‍රී ලංකාවේ සහ විදෙස් රට වල සිටින අතුරුදහන් වු ඥාතීන් ලබා දුන් සාක්ෂි බවයි පවසන්නේ.

ශවේන්ද්‍ර සිල්වාගෙන් ජගත් ජයසුරියගෙන් අහන්න

මෙම ලයිස්තුවට තම දෙමව්පියන් සමඟ ශ්‍රී ලංකා හමුදාවට බාර වු දරුවන් 29 දෙනෙකුගේ නම් ඇතුලත්ව ඇති අතර ඉන් කිහිපදෙනෙකුම වයස අවුරුදු 5ට අඩු බිලිඳුන් බවයි ITJP සංවිධානය නිවේදනය කරන්නේ.

අතුරුදහන් වුවන් පිලිබඳව සත්‍ය හෙලිදරව් කිරිමේ අවශ්‍යතාවයක් පවතී නම් යුද්ධාවසානයේ බලහත්කාරයෙන් අතුරුදහන් කරවුවන් සිය ගණනකට අධික සිදුවීම් සම්බන්ධව එම වකවානුවේ සිටි හමුදා නායකයන්ගෙන් ප්‍රශ්න කිරිමේ වගකීම රජය විසින් පිහිටුවන ලද අතුරුදහන් වුවන් පිළිබඳව සොයා බැලිමේ කාර්යාලය (OMP) සතු බවයි ITJP අවධාරණය කරන්නේ.

“එකම වර පුද්ගලයන් සිය ගණනක් එකම ස්ථානයේ අතුරුදහන් වනු, රට තුලත්, ඉන් පිටතත් සාක්ෂිකරුවන් ගණනාවක් විසින් සියැසින් දකින ලද, ශ්‍රී ලංකාවේ බලහත්කාරයෙන් අතුරුදහන් කරවන ලද විශාලතම තනි කණ්ඩායම මෙයයි.”

ඇසින් දුටු සාක්ෂිකරුවන් විසින් අතුරුදහන් කරවුවන් මේජර් ජනරාල් ශවේන්ද්‍ර සිල්වා හා ජනරාල් ජගත් ජයසුරිය වෙත බාර ගත් ඇති බවට පවසන ITJP සංවිධානය එම හමුදා නායකන්ගෙන් ප්‍රශ්න කළ යුතු බව OMP වෙත දැන්වු බව වැඩි දුරටත් නිවේදනය කර සිටී.

LEAVE A REPLY