අමර සර නිහඬ වෙයි

සිංහල සුබාවිත ගීතයේ සලකුණ  ඩබ්ලිව් ඩී අමරදේවයන් අද (03) දිවියෙන් සමුගෙන තිබේ.

අසනීප තත්ත්වයක් හේතුවෙන් ශ්‍රී ජයවර්ධනපුර මහ රෝහලට ඇතුළත් කළ අමරදේවයන් මිය යන විට 88 වන වියේ පසුවිය.

1927 වර්ෂයේ දෙසැම්බර් 05දා මොරටුවේදී මෙලොව එළිය දුටු, වනක්කුවත්ත මිටි වඩුගේ දොන් ඇල්බට් පෙරේරා, ප්‍රකට ගායන හා සංගීතඥයෙකු ලෙස පසු කලෙක ඩබ්.ඩී. අමරදේව නමින් ප්‍රකට වූ අතර එම නම භාවිතා කරන ලෙස යෝජනා කර ඇත්තේ මහාචාර්ය එදිරිවීර සරච්චන්ද්‍ර විසින් යයි කියනු ලැබේ.