උතුරු පලාත් ප්‍රධාන අමාත්‍ය සී.වී. විග්නේශ්වරන් ට එරෙහි විශ්වාසභංගය ඉල්ලා අස්කර ගන්නා බවට දෙමළ ජාතික සන්ධානයේ නායක ආර්. සම්පන්දන් විසින් ලිපියක් මඟින් දැනුම් දී තිබේ.
තමන් විසින් ඉල්ලා අස්වීමට නියෝග කරනු ලැබූ උතුරු පළාත් සභා මන්ත්‍රීන් දෙදෙනා පිළිබඳව වගකීමක් දෙමල ජාතික සංවිධානයේ නායක විසින් බාර ගැනීමට සුදානම් නම් ඒ දෙදෙනා පිළිබඳව තමන් දරන ස්ථාවරය වෙනස් කිරීමට සුදානම් බව උතුරු පළාත් මහා ඇමති මඟින් ආර්. සම්පන්දන් හට දැනුම් දී තිබු අතර ඊට පිළිතුරු ලෙස විපක්ෂ නායකවරයා මෙම ලිපිය යොමුකර ඇත.
පළාත් ප්‍රධාන අමාත්‍යවරයාට එරෙහිව ඉලංකෙයි තමිල් අරසු පක්‍ෂය විසින් ගෙන ආ විශ්වාසභංගය තමිල් අරසු පක්‍ෂය විසින්ම ඉල්ලා අස්කර ගන්නා බව සහ අමාත්‍යවරුන් සම්බන්ධයෙන් සිදුකරන විමර්ශනවලටද ඇඟිලි ගැසීම් නොකරන බව ආර්. සම්පන්දන් මාධ්‍ය නිවේදනයක් නිකුත් කරමින් සඳහන් කරයි.
විපක්ෂ නායකවරයාගේ එම තීරණයට අනුව උතුරු පළාත් සභාවේ සෞඛ්‍ය ඇමැති පී. සත්‍යලිංගම්, ධීවර හා ප්‍රවාහන ඇමැති පී. ඩෙනීස්වරන් මන්ත්‍රිවරුන්ට මාසයක කාලයක අනිවාර්ය නිවාඩු ගන්නැයි උතුරු පළාත් මහ ඇමැතිවරයා කළ නියෝගය අත්හිටුවා දැමීමට තීරණය කර ඇත.
Facebook Comments
