ජනාධිපතිවරයා විසින් හදිස්සියේ සිදු කල අමාත්‍ය මණ්ඩලය සංශෝධනයේදී නියෝජ්‍ය අමාත්‍ය ධුරයක් බල‍ාපොරොත්තුවෙන් පැමිණි එජාප මන්ත්‍රිවරියකට හිස් අතින් ගෙදර යාමට සිදුව තිබේ.
එජාප ප්‍රබල අමාත්‍යවරයෙක් වන දයා ගමගේ ඇමතිවරයාගේ බිරිඳ අනෝමා ගමගේ හට මෙලෙස හිස් අතින් නැවත නිවසට යාමට සිදුව ඇති බවටයි සිලෝන් ජර්නල්ස් වෙත වාර්තා වන්නේ.
කෙසේ වෙතත් සිය ඇමති ධුරය ලබා ගැනීමට ජනාධිපති ලේකම් කාර්යාලයට පැමිණෙන තුරුම ඇයට එම ධුරය නොලැබෙන බව මන්ත්‍රිවරිය දැන නොසිට ඇත.
විදේශ අමාත්‍ය රවී කරුණානායකගේ දැඩි විරෝධය හේතුවෙන් මන්ත්‍රිනී අනෝම ගමගේ හට විදේශ කටයුතු නියෝජ්‍ය අමාත්‍ය ධුරය නොලැබුන බවටයි ජනාධිපති ලේකම් කාර්යාලයේ ආරංචි මාර්ග පවසන්නේ.
ජනාධිපතිවරයා විසින් 31 බදාදා උදෑසන රාජ්‍ය අමාත්‍යවරු 04 ක් සහ නියෝජ්‍ය අමාත්‍යවරු 03 දෙනෙකු පත් කල අතර සවස් වරුවේදී ලසන්ත අලගියවන්න මුදල් හා ජනමාධ්‍ය නියෝජ්‍ය අමාත්‍යවරයා ලෙස පත් කළේය.
ප්‍රතිකාර ලබා ගැනීම සඳහා අගමැතිවරයා දිවයිනෙන් පිටත් වී දින 2 යාමටත් මත්තෙන් ජනාධිපතිවරයා විසින් සිදු කරන ලද අමාත්‍ය මණ්ඩල සංශෝධනය සම්බන්ධයෙන් දේශපාලන කෙෂ්ත්‍රයේ දැඩි කතා බහට ලක්ව තිබේ.
Facebook Comments
