සුව ඇමැති ලෝක සෞඛ්‍ය සංවිධානයේ විධායක සභාවට

0

ලෝක සෞඛ්‍ය සංවිධානයේ විධායක සභාවට සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න තෝරා පත් කරගෙන ඇති බව රජය පවසයි.

විධායක සභාවට සාමාජිකයන් 34 දෙනෙකු පත්කර ගන්නා අතර, එම සාමාජිකයන්ගේ නිල කාලය වසර දෙකක් බවයි රජයේ ප්‍රවෘත්ති දෙපාර්තමේන්තුව පවසන්නේ.

විධායක සභාවට අවශ්‍ය සාමාජිකයන් සෞඛ්‍ය තාක්ෂණික දැනුම ඇති පුද්ගලයන් විය යුතුය.

මෙවර විධායක සභාව ජුනි මස 1 සහ 2 යන දෙදින ස්විස්ටර්ලන්තයේ ජීනිවා නුවර පිහිටි ලෝක සෞඛ්‍ය සංවිධානයේ මුලස්ථානයේ දී පැවැත්වෙයි.

එම විධායක සභාවට සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න ද සහභාගි වීමට නියමිතව තිබේ.

මෙවර විධායක සභා රැස්වීමේ දී ඉදිරි සෞඛ්‍ය සේවා පවත්වාගෙන යාම, සෞඛ්‍ය වැය ශිර්ෂය ඇතුලු සෞඛ්‍ය සේවා ක්ෂේත්‍ර රැසක් සාකචිඡා කිරීමට නියමිත බව රජය වැඩි දුරටත් පවසයි.

මෙවර විධායක සභාවට ආසියානු රටවල් 4 ක නියෝජිතයන් පත් කර ඇත.

මේ අතර ලෝක සෞඛ්‍ය සංවිධානයේ නව අධ්‍යක්ෂ ජනරාල් වෛද්‍ය Tedros Adhanom Ghebreyesus සහ සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න අතර සාකචිඡාවක් ස්විස්ටර්ලන්තයේ ජීනීවා නුවර දී පවත්වා තිබේ.

Facebook Comments

wedding people