රෝගී තත්ත්වයක් හේතුවෙන් රෝහල් ගතව සිටින බැවින් බොදු බල සේනා සංවිධානයේ නායක ගලබොඩඅත්තේ ඥානසාර හිමියන් අද අධිකරණයේ පෙනී සිට නොමැත.
අධිකරණයේ කටයුතු වලට බාධා කිරිම සම්බන්ධයෙන් ගලබොඩඅත්තේ ඥානසාර හිමියන්ට එරෙහිව නීතිපතිවරයා විසින් අභියාචනාධිකරණයේ ගොනු කර ඇති පෙත්සමක් විභාගයට ගත් අවස්ථාවේදී එහිමියන්ගේ නීතීඥයින් මේ බව අධිකරණයට දැනුම් දී තිබේ.
කරුණු සලකා බැලු අභියාචණාධිකරණ විනිසුරු කුමුදුනී වික්‍රමසිංහ විසින් මෙම නඩුව නැවත ජුනි මස 12 වනදා යළි කැදවීමට තීරණය කළේය.
මේ අතර පොලීස් නිලධාරින්ගේ රාජකාරියට බාධා කර තර්ජනය කිරීම, ජාතීන් අතර අසමඟිය ඇති වන ආකාරයේ ප්‍රකාශ සිදු කිරීම යන චෝදනා යටතේ ඥානසාර හිමියන් අත්අඩංගුවට ගැනීමට පොලිසිය මෙහෙයුමක් දියත් කර තිබේ.
පොලීසිය විසින් අධිකරණයෙන් කළ ඉල්ලීමක් අනුව අලුත් කඩේ උසාවිය විසින් එහිමියන්ට රටින් පිටවීම තහනම් කරමින් නියෝගයක්ද පනවා ඇත.
Facebook Comments
