විදේශිය නැව් සමාගම් සඳහා මෙරට නාවික ක්ෂේත්‍රයේ විවෘත කිරීම සහ ස්වාධීන වරාය නියාමකයෙකු හඳුන්වාදීම සඳහා මෙවර අයවැය හරහා කරන ලද යෝජනාවට එරෙහිව මෙරට නැව් ඒකාධිකාරිය හිමි සමාගම් විසින් වැඩ අරඹා තිබේ.
මෙම ක්‍රීයාවලිය නැවැත්වීම සඳහා නැව් ඒකාධිකාරිය විසින් කෝටි ගණන් වියදම් කරමින් ඇමැතිවරුන් හා රජයේ නිලධාරින් නම්මා ගැනිමේ වැඩසටහනක් අරඹා ඇති අතර ඒ පිළිබඳව තීරණාත්මක සාකච්ඡාවක් පසුගිය දිනක කොළඹ තරු පන්තියේ හෝටලයක පවත්වා ඇත.
මෙරට නැව් ඒකාධිකාරිය හිමි සමාගම් දෙකෙහි කෝටිපති ව්‍යාපාරිකයන් හිටපු ජනපති මහින්ද රාජපක්ෂගේ ප්‍රබල හිතවතුන් වන අතර මෙම යෝජනාව හකුලා නොගතහොත් ආණ්ඩුව පෙරළා දමන බවට ආණ්ඩුවේ කිහිපදෙනෙකු හට පවසා තිබු බව මාධ්‍ය වාර්තා කර තිබුණි.
එම කෝටිපති ව්‍යාපාරිකයන් මේ වන විටත් ආණ්ඩුවේ මැති ඇමැතිවරුන් හට අල්ලස් ලබා දෙමින් මෙම යෝජනාවට එරෙහි වන ලෙස ඉල්ලා ඇති අතර ඉන් කිහිප දෙනෙකු අල්ලස් ලබා ගෙන ඇති බවද සිලෝන් ජර්නල්ස් වෙත වාර්තා වේ.
ශ්‍රී ලංකා නැව් නියෝජිතයන්ගේ සංගමයේ (CASA) ඉහල නිලධාරින් විසින් මෙම යෝජනාව කෙසේ හෝ පරාජයට පත් කරන බව තම සංගමේ නියෝජිතයන් හට දැනුම් දී තිබේ.
එම සංගමය ද මේ වන විට මෙරට නැව් ඒකාධිකාරය දරන සමාගම් දෙකෙහි ග්‍රහණයට පත්ව ඇති අතර එම සංගමයේ බහුතරය රජයේ යෝජනාවට පක්ෂ බව සංගමයේ නියෝජිතයෙකු සිලෝන් ජර්නල්ස් වෙත කියා සිටියේය.
Facebook Comments
