විමල්ගේ පක්ෂයේ සෝදා පාලුව ඇරඹේ

0
928
wedding people

ජාතික නිදහස් පෙරමුණේ ප්‍රධාන ලේකම් ධුරය දැරූ ප්‍රියන්ජිත් විතාරණ එම ධුරයෙන් ඉල්ලා අස්වීමත් සමඟ එම පක්ෂය කැඩී යාමේ අවධානමට ලක් වී තිබේ.

සෞඛ්‍ය හේතුමත ඔහු ඉවත් වන බව පක්ෂය නිවේදනය කලද එම පක්ෂයේ අභ්‍යන්තර ගැටුමක ප්‍රතිඵලයක් ලෙස ප්‍රියන්ජිත් විතාරණ ධුරයෙන් ඉවත් වු බවයි නම සඳහන් කිරිමට නොකැමති වු ජාතික නිදහස් පෙරමුණේ ප්‍රබල සාමාජිකයෙකු සිලෝන් ජර්නල්ස් වෙත කියා සිටියේ.

මේ වන විට පක්ෂ අභ්‍යන්තරයේ මතවාදී ගැටුමක් හට ගෙන ඇති බවත් ඉදිරි කාලයේදී පියසිරි විජේනායකගේ නායකත්වයෙන් යුත් කණ්ඩායමක් පක්ෂයෙන් ඉවත් වනු ඇති බවට ඔහු විශ්වාසය පල කළේය.

විමල් වීරවංශ මන්ත්‍රීවරයා පාර්ලිමේන්තුවට බෝම්බ ගැසීමට කරන ලද තර්ජනය ජාතික නිදහස් පෙරමුණේ මතය නොවන බවට පියසිරි විජේනායක සහ කුරුණෑගල දිස්ත්‍රික්ක සංවිධායක කැලුම් ජයසුමන කරන ලද ප්‍රකාශයන් සමඟ කාලයක් පුරා පැවති ගැටුම උත්සන්න වී ඇත.

පක්ෂයේ බලය සම්බන්ධව මේ වන විට ගැටුම හටගෙන ඇති අතර පියසිරි විජේනායක ප්‍රමුඛ කණ්ඩායමට බහුතර බලයක් හිමිව ඇති බවයි එම ප්‍රකාශකයා පවසන්නේ.

Facebook Comments