මහින්ද අගමැතිකම එපා කියයි

0

මහ මැතිවරණයක් පවත්වා අගමැති ධුරය බාර ගන්නා තෙක් භාරකාර රජයක අගමැති පදවිය බාර නොගැනීමට විපක්ෂ නායක මහින්ද රාජපක්ෂ තීරණය කර තිබේ.

රනිල් වික්‍රමසිංහ අගමැති ධුරයෙන් ඉවත් වුවහොත් එම තනතුර දිනේෂ් ගුණවර්ධන හට ලබා දීමට විපක්ෂ නායකවරයා තීන්දු කර ඇති බවයි වාර්තා වන්නේ.

මහ මැතිවරණයක් පවත්වන තෙක් අගමැති ධුරයේ කටයුතු කරන ලෙස විපක්ෂ නායක මහින්ද රාජපක්ෂ විසින් එජාප නායක රනිල් වික්‍රමසිංහට දැනුම් දී ඇති බවද මාධ්‍ය වාර්තා කර තිබුනි.

මේ අතර අගමැති රනිල් වික්‍රමසිංහගේ ප්‍රධානත්වයෙන් 18 සඳුදා පැවති ආණ්ඩු පක්ෂ මන්ත්‍රී කණ්ඩායම් රැස්වීමේදී රජයේ ඉදිරි පැවැත්ම පිළිබඳව දීර්ඝ ලෙස සාකච්ඡා කර ඇති අතර එහිදී බහුතරයක් මන්ත්‍රීවරුන් සඳහන් කර ඇත්තේ ලබන වසරේ මාර්තු වන තුරු රජය පවත්වාගෙන යා යුතු බවයි.

රජය පවත්වාගෙන යාම පිළිබඳව තමන් නව ජනාධිපතිවරයා, විපක්ෂ නායකවරයා සමගද සාකච්ඡාවක් පැවැත්වූ බව අගමැති රනිල් වික්‍රමසිංහ ඔවුන් ආණ්ඩුව බාර ගැනීම සම්බන්ධව අවසන් එකඟතාවකට පැමිණ නොමැති බවට මන්ත්‍රීවරන් හට වැඩි දුරටත් දැනුම් දී ඇත.

Facebook Comments

wedding people