ජාතික ගැටලුවට විසඳුමක් ලබා දෙමින් නව ව්‍යවස්ථාවක් නිර්මාණයක් කරන බවට වත්මන් රජය ලබා දුන් පොරොන්දුව ඉටුවීම පිළිබඳව ජාතික ඒකාබද්ධතා, සංහිඳියා සහ රාජ්‍ය භාෂා අමාත්‍යවරයා සැක පල කර තිබේ.
නව ව්‍යවස්ථාවක් නිර්මාණය කිරිමට අවශ්‍ය දේශපාලන අධිෂ්ඨානය අද වන විට රට තුල නොමැති බව අමාත්‍ය මනෝ ගනේෂන් සදහන් කර ඇත්තේ කොළඹ, ලක්ෂ්මන් කදිරගාමර් මධ්‍යස්ථාන ශ්‍රවණාගාරයේ 28 සදුදා පැවැති උත්සවයක දීය.
“අලුත් ව්‍යවස්ථාවක් හදන්න ඕන වෙන දේශපාලන අධිෂ්ඨානය අද මේ රටේ නැහැ. බොරු කියන්න ඕනෙ නැහැ ඇත්ත ඒකයි. ඒ නිසා මම කිව්වා අපේ ජනතාවට අලුත් ව්‍යවස්ථාවක් හරහා ජාතික ප්‍රශ්නයට විසඳුමක් ලබා ගැනීමට බලාපොරොත්තු වෙලා ඉන්න ජනතාවට මම කිව්වා ඔබ රවට්ටන්න මම කැමැති නැහැ බොරු කියන්න කැමති නැහැ ව්‍යවස්ථාවක් එන බව නම් පෙන්න නැහැ” යි අමාත්‍යවරයා කියා සිටියේය.
තමන් කරන ලද ප්‍රකාශය ව්‍යවස්ථා මෙහෙයුම් කමිටුවේ සභාපති අගමැති රනිල් වික්‍රමසිංහ දැන ගැනීම පිණිස මාධ්‍ය හරහා ප්‍රචාරය කරන ලෙස ඉල්ලා සිටි අමාත්‍ය මනෝ ගනේෂන් නව ව්‍යවස්ථාව නිර්මාණ වෙනවාද නැද්ද සම්බන්ධව පිලිතුරක් ලබා දෙන ලෙස මෙහෙයුම් කමිටුවේ ප්‍රධානීන්ගෙන් ඉල්ලීමක් ද කරන ලදී.
නව ව්‍යවස්ථා මෙහෙයුම් කමිටුව හරහා සිදුවන්නේ ආණ්ඩුවේ වැඩක් නොව රටට අවශ්‍ය වැඩක් බව ජාතික ඒකාබද්ධතා, සංහිඳියා සහ රාජ්‍ය භාෂා අමාත්‍ය මනෝ ගනේෂන් වැඩි දුරටත් අවධාරණය කළේය.
Facebook Comments
