රන්ජන් අත් අඩංගුවට ගත් පොලිසියට ආණ්ඩුවෙන් දොස්

0

හිටපු අමාත්‍ය රන්ජන් රාමනායක අත් අඩංගුවට ගැනීමෙන් පසුව ආණ්ඩුවේ ඇමැතිවරයෙක් පොලිසිය දෝෂ දර්ශණයට ලක් කර තිබේ.

ජනාධිපති සහ රජය නිවැරදි මාවතේ ගමන් කරන නමුත් පොලීසිය සහ විමර්ශන වැරදි මාවතක ගමන් කරන බවයි ට්විටර් පණිවිඩයක් නිකුත් කරන තේ කර්මාන්ත සංවර්ධන රාජ්‍ය අමාත්‍ය කාංචන විජේසේකර පවසන්නේ.

“ජනාධිපති සහ රජය නිවැරදි මාවතේ ගමන් කරන නමුත් කණගාටුවට කරුණ නම් පොලීසිය සහ විමර්ශන වැරදි මාවතක ගමන් කිරීමයි. මහජන මුදල් අයථා ලෙස පරිහරණය කිරීම හා දූෂණය පිළිබඳ පැහැදිලි සාක්ෂි සහිත පුද්ගලයන් කිහිප දෙනෙකු සිටින අතර පොලීසිය සහ නීතිපතිවරුන් ඒ පසුපස හඹා යන්න හැකියි. පොලිස් ක්‍රියාමාර්ග ගැන මම එකඟ වන්නේ නෑ.” යි ඔහු කියා සිටී.

හිටපු අමාත්‍ය රන්ජන් රාමනායක සිය ගිනි අවියේ බලපත්‍රය අලුත් නොකිරිමේ චෝදනා මත අත් අඩංගුවට ගැනීමෙන් පසු අමාත්‍යවරයා මෙම පණිවුඩය තබා ඇත.

Facebook Comments

wedding people