පසුගිය රජයේ වැරදි කරවුවන් වෙනුවට එම වැරදි හෙළිදරව් කල සාමාජ මාධ්‍ය කතෘවරුන්ට එරෙහිව ඇතැම් ඇමතිවරුන් කටයුතු කරමින් සිටින බව චමීර පෙරේරා අද (12) පැවති මාධ්‍ය හමුවකදී පැවසීය.
විජයදාස රාජපක්ෂ අමැතිවරයා අනියමින් අධිකරණයට බලපැම් එල්ල කරන බවත් ඔහු තවදුරටත් අධිකරණ ඇමතිධුරයට සුදුසු දැයි ඔහු ආණ්ඩුවෙන් ප්‍රශ්න කර සිටියේය.
ඇමතිවරයා විසින් ඊ නිවුස් කතෘට එරෙහිව පාර්ලිමේන්තුවේ ප්‍රකාශයක් සිදු කර දින දෙකක් ගත වන විට කතුවරයාට එරෙහිව ජාත්‍යන්තර වරෙන්තු ලබා ගැනීමට නියෝග කරන්නේ එම බලපෑම් මත බවයි ඔහු පෙන්වා දෙන්නේ.
ගෝඨාව රකින්නෙ විජයදාස
ගෝඨාභය රාජපක්ෂව ආරක්ෂා කරමින් ඔහු අත්අඩංගුවට ගැනීමට ඉඩ නොදී බලපෑම් කරන්නේ විජයදාස රාජපක්ෂ ඇමතිවරයා බවට චමීර පෙරේරා චෝදනා කළේය.
තමන් අමාත්‍ය ධුරයේ දරන තාක් ගෝඨභය අත්අඩංගුවට ගැනීමට ඉඩ නොදෙන බවට ඇමතිවරයා විසින් ප්‍රසිද්ධියේම මාධ්‍යයට ප්‍රකාශ නිකුත් කරන බවද ඔහු පවසා සිටියේ.
මෙවැනි ඇමතිවරුන් යහපාලනයට බාධාවක් බවත් යහපාලන බිහි කිරීමට උරදුන් අයවලුන් හට දඬුවම් දෙනවානම් එය බරපතල ප්‍රශ්නයක් බවයි ඔහු අවධාරණය කළේ.
Facebook Comments
