එක්සත් ජාතික පක්ෂ ජනාධිපතිවරණ අපේක්ෂකයා තෝරා ගනු ලබන්නේ පොදුජන පෙරමුණේ අපේක්ෂකයා තෝරා ගන්නා ආකාරයට නොවන බව එජප මහලේකම්වරයා පෙන්වා දී තිබේ.
පොදුජන පෙරමුණේ අපේක්ෂකයා තේරීම සිදුකරනුයේ රාජපක්ෂ පවුල විසින් බවත්, රාජපක්ෂ සමාගම හැර පොදුජන පෙරමුණට ජනාධිපතිවරණයට ඉදිරිපත් කළ හැකි වෙනත් අපේක්ෂකයෙක් නොමැති බවයි අමාත්‍ය අකිල විරාජ් කාරියවසම් පවසන්නේ.
“මම දැක්කා පහුගිය දිනවල මාධ්‍ය වල යනවා පොහොට්ටුවේ ජනපති අපේක්ෂකයා තෝරන්න රාජපක්ෂ පවුල කැඳවල තියෙනවා කියලා. රාජපක්ෂ සමාගම නැතුව පොදුජන පෙරමුණට බැහැ අපේක්ෂකයෙක් තෝර ගන්න.” යැයි අමාත්‍යවරයා සඳහන් කළේය.
එහෙත් එජාප ජනපති අපේක්ෂකයා තෝරා ගනු ලබන්නේ කෘත්‍යාධිකාරී මණ්ඩල සාකච්ඡාවකින් පසු සියලු දෙනාගේ කැමැත්ත පදනම් කරගනිමින් ප්‍රජාතන්ත්‍රවාදී ලෙසට බව අමාත්‍යවරයා මාධ්‍ය හමුවක දී කියා සිටියේය.
එක්සත් ජාතික පක්ෂයේ අපේක්ෂකයා පරාජය කිරිමට වෙනත් අපේක්ෂකයෙකුට නොහැකි බවට විශ්වාසය පළ කළ එක්සත් ජාතික පක්ෂ මහ ලේකම් සහ අධ්‍යාපන අමාත්‍ය අකිල විරාජ් කාරියවසම් තම අපේක්ෂකයා නියත වශයෙන්ම ජය ගන්නා බව කියා සිටියේය.
Facebook Comments
