නිලය නැතිවත් ගෝටා බුද්ධි නිලධාරින් සමග ගනුදෙනු කළ බව එළිවේ

0

ජාතික ආරක්ෂාව නොමැති බවට චෝදනා කරමින් ජනාධිපතිවරණයට පැමිණ ඇති පොහොට්ටු පක්ෂයේ අපේක්ෂකයා රාජ්‍ය බුද්ධි අංශ සමඟ ගණුදෙනු පවත්වා ඇති බව හෙළි ව තිබේ.

පසුගිය වසරේදී මඩකලපුවේ පොලිස් නිලධාරින් ඝාතනය කරන ලද අවස්ථාවේදී එම ඝාතනය එල්.ටී.ටී.ඊ සංවිධානයට අයත් පිරිසක් විසින් කරන ලද්දක් නොවේ යයි බුද්ධි නිලධාරින් තමන් හා පැවසු බවට ගෝඨාභය රාජපක්ෂ සිය මැතිවරණ වේදිකාවේදී පවසා ඇත.

“මට මතකයි මඩකලපුවේ පොලිස් නිලධාරින් මරපු අවස්ථාවේදී අපේ හිටපු බුද්ධි නිලධාරින් විශේෂයෙන්ම අමාත්‍යංශයේ වැඩ කරපු ප්‍රධාන බුද්ධි නිලධාරින් ඒ අය මට කිව්වා මේක නම් එල්.ටී.ටී.ඊ එකක් වෙන්න බැහැ මේක අන්තවාදින්ගෙ වැඩක්. මම කිව්වා ඔබතුමා කියන්න සී.අයි.ඩී එකට. එතුමා කියලා තිබුනා නමුත් අන්තිමේ එල්.ටී.ටී.ඊ එකේ වැඩක් කියලා දෙමල තරුණයන් දෙන්නෙක් අත්අඩංගුවට අරගෙන හිරගත කරා.”

එම තොරතුරු පිළිබඳව හරියාකාරව පරික්ෂණ සිදු කරන ලද්දේ නම් පාස්කු ප්‍රහාරය ද වළක්වා ගැනීමට තිබු බව ගෝඨාභය රාජපක්ෂ කියා සිටියේය.

2018 නොවැම්බර් 30 වනදා මඩකලපුවේ වව්නතීව්හිදී පොලිස් නිලධාරින් දෙදෙනකු ඝාතනය කිරීමට සැක පිට හිටපු එල්.ටී.ටී.ඊ සාමාජිකයකු චෝදනා ගොණු කිරිමකින් තොරව මාස 6කට වැඩි කාලයක් ත්‍රස්තවාදය වැළැක්විමේ පනත උපයෝගි කර ගනිමින් සිරගත කර තිබුණි.

කෙසේ වෙතත් පාස්කු ප්‍රහාරයෙන් පසුව එම ප්‍රහාර මාලාවේ මහ මොලකරු බවට සැක කෙරෙන සහාරන්ගේ රියදුරුගෙන් කරන ලද ප්‍රශ්න කිරිම් වලදී එම ඝාතන අන්තවාදී සංවිධාන වලින් කර තිබු බවට හෙළි විය.

මෙම ඝාතන පිළිබඳව බුද්ධි අංශ හරහා තොරතුරු දැන ගනිමින් එය වසං කර ගෝඨාභය රාජපක්ෂ ජාතික ආරක්ෂාව අනතුරේ හෙළා ඇති බවට මේ පිළිබඳව සිලෝන් නිවුස් වෙත අදහස් දැක්වු එජාප පාර්ලිමේන්තු මන්ත්‍රී හෙක්ටර් අප්පුහාමි සිටියේය.

බුද්ධි අංශ හා රහසේ ගණුදෙනු පවත්වමින් ගෝඨාභය රාජපක්ෂ නිර්මානය කිරීමට යන ෆැසිස්ට් පාලන තන්ත්‍රය පිළිබඳව මෙවැනි ප්‍රකාශ වලින් අනාවරණය වන බව මන්ත්‍රීවරයා අවධාරණය කරයි.

“මේකෙන් පේනවා ආරක්ෂක ලේකම් ධුරය නැති වුනාට පස්සෙත් ගෝඨාභය බුද්ධි අංශ එක්ක හොර ගණුදෙනු පවත්වලා තියෙනවා කියලා. මේක තමයි එයාගේ මිලිටරි ෆැසිස්ට් පාලනයේ අංගෝපාංග. ඒ වගේම පාස්කු ප්‍රහාරයට එයාගෙ තියෙන සම්බන්ධය ගැන තියෙන චෝදනාත් දැන් ඔප්පු වෙනවා. අපිට සැක කරන්න වෙන්නෙ තොරතුරු දැනගෙන මේ වගේ ප්‍රහාරයක් වෙන්න ඉඩ හැරිය ද කියලා,” යි හෙක්ටර් අප්පුහාමි මන්ත්‍රීවරයා සිලෝන් නිවුස් වෙත පැවසීය.

පාස්කු ප්‍රහාරයෙන් දින කීපයකට පසු විදේශයක සිට ශ්‍රී ලංකාවට පැමිනි විගස ගෝඨාභය රාජපක්ෂ ගුවන් තොටුපලේ දී ප්‍රකාශ කර සිටියේ තමන් රටේ පාලනය බාර ගැනීමට සූදානම් බවයි.

කල්තියා ලැබී තිබුනු බුද්ධි තොරතුරු අනුව ප්‍රහාර මාලාව වැලක්වීමට නිලධාරින් පියවර නොගත්තේ එම විනාශය සමග රටතුල ඇතිවන භීතිකාව ප්‍රයෝජනයට ගෙන වෙනත් රාජ්‍ය පාලකයකු බලයට පත් කිරීම සඳහා මග පාදා ගැනීමටද යන්න විභාග කළ යුතු බව පාස්කු ප්‍රහාරය පිළිබඳ විමර්ශනය කළ පාර්ලිමේන්තු කමිටුව නිර්දේශ කර තිබේ.

Facebook Comments

wedding people