විධායක බලය යොදා “අතුරුදහන් කාර්යාලය අවහිර කරලා” (VIDEO)

0
370
wedding people

යහපාලනයේ ක්‍රීයාකාරිත්වය වැළැක්වීමට ජනාධිපති මෛත්‍රීපාල සිරිසේන විධායක බලය යොද ගනිමින් සිටින බවට යහපාලන රජය බිහි කිරීමට උරදුන් සිවිල් සංවිධාන නායකයෙකු චෝදනා කරයි.

සංහිඳියා වැඩපිළිවෙල යටතේ අතුරුදහන්වුවන් පිළිබඳව සොයා බැලීම සඳහා පිහිටවීමට යෝජනා වු අතුරුදහන්වුවන් පිළිබඳව කාර්යාලිය පනත එ්කබද්ධ විපක්ෂයේ බලවත් විරෝධය මද්දේ පාර්ලිමේන්තුවේ සම්මත කර තිබියදී එය පිහිටුවීම ජනාධිපතිවරයා විසින් වළක්වා ඇති බවයි අතුරුදහන්වුන්ගේ පවුල් එකතුවේ සභාපති බ්‍රිටෝ ප්‍රනාන්දු පවසන්නේ.

පනත සම්මත වී මාස නවයක් පමණ ගතව ඇතත් එම කාර්යාලය පිහිටුවීමට නොහැකිව ඇත්තේ ජනතා විමුක්ති පෙරමුණේ සංශෝධනයක් එම පනතට එක් කිරීමට නියමිත් බැවින් යැයි ජනාධිපතිවරයා පැවසුවද කාර්යාලය පිහිටුවීමට එම සංශෝධනය බාධාවක් නොවන බවයි අතුරුදහන්වුන්ගේ පවුල් එකතුවේ සභාපතිවරයා පෙන්වා දෙන්නේ.

පාර්ලිමේන්තුවේ සම්මත් වු පනතක් ක්‍රීයාත්මක නොකිරිම පාර්ලිමේන්තුවේ බලය අභිබවා යාමක් ලෙස පෙන්වා දෙන බ්‍රිටෝ ප්‍රනාන්දු 19 වන ව්‍යවස්ථා සංශෝධනය යටතේ විධායක බලය අවම කිරීමට පියවර ගත් ජනාධිපති මෛත්‍රීපාල හට පාර්ලිමේන්තු බලය අභිබවා යාමට අයිතියක් නොමැති බව අවධාරණය කරයි.

අතුරුදහන්වුවන්ගේ ඥාතීන් යහපාලන රජය බලයට පත් කිරීම සඳහා සිය සහයෝගය ලබා දුන්නේ අතුරුදහන්වුවන් පිළිබඳව සත්‍ය හෙළි කර සාධාරණය ඉටු වේවි යැයි යන බලාපොරොත්තුව ඇතිව බවටයි අතුරුදහන්වුන්ගේ පවුල් එකතුවේ සභාපතිවරයා සිහිපත් කරන්නේ.

විධායක ජනාධිපති ක්‍රමයේ බලතල අවම කිරිමට පියවර ගත් ජනාධිපතිවරයා එම බලය නැවත භාවිතා නොකර අතුරුදහන් වුවන් පිළබඳ වු කාර්යාලය පිහිටවනු ඇති බවට විශ්වාසය පල කරන අතුරුදහන්වුන්ගේ පවුල් එකතුවේ සභාපති බ්‍රිටෝ ප්‍රනාන්දු එසේ සිදු නොවුනහොත් එම නිති විරෝධි ක්‍රීයාවට එරෙහිව පියවර ගන්නා බවටද අනතුරු ඇඟවීය.

Facebook Comments