නව ආණ්ඩුක්‍රමය ගැන ශ්‍රීලනිපය එජාපයෙන් සාකච්ඡාවක් ඉල්ලයි

0

යෝජිත නව ආණ්ඩුක්‍රම ව්‍යවස්ථාව සඳහා ඉදිරිපත්ව ඇති යෝජනා සම්බන්ධව එජාපය සමඟ සාකච්ඡාවක් ලබා දෙන ලෙසට ශ්‍රීලනිප මන්ත්‍රීන් පිරිසක් ජනාධිපතිවරයාගෙන් ඉල්ලීමක් කර තිබේ.

ආණ්ඩුක්‍ර‍ම ව්‍යවස්ථා සම්පාදන කටයුතු සදහා ශ්‍රී ලංකා නිදහස් පක්ෂයෙන් පත් කළ කමිටුවේ සභාපති නිමල් සිරිපාල ද සිල්වා ප්‍ර‍ධාන එම කමිටු සාමාජිකයන් විසින් මෙම ඉල්ලීම කර ඇත.

ඉඩම් බලතල, පොලිස් බලතල, ඒකීය ශ්‍රී ලංකාව, බෞද්ධාගමට හිමි තැන ආදී කරුණු ගණනාවක් සම්බන්ධයෙන් ශ්‍රී ලංකා නිදහස් පක්ෂය මෙහිඳි එජාපය සමඟ සාකච්ඡා කිරීමට නියමිත බවයි වාර්තා වන්නේ.

ආණ්ඩුක්‍ර‍ම ව්‍යවස්ථා සංශෝධනය සම්බන්ධයෙන් එක්සත් ජාතික පක්ෂයේ යෝජනා මෙතෙක් ඉදිරිපත් කර නොමැති අතර දෙපාර්ශවයේ යෝජනා සම්බන්ධයෙන් මෙසේ මුහුණට මුහුණ හමු වී සාකච්ජා කළ යුතු බවයි මෙම කමිටුව ජනාධිපතිවරයා වෙත දැනුම් දී ඇත්තේ.

Facebook Comments