සතුරා සහ මිතුරා හඳුනාගෙන කටයුතු කරන්න – ජනපති

0

රජය සහ මුස්ලිම් ජනතාව බේද කිරීමට එදා මුස්ලිම් ජනතාවට විරුද්ධව කටයුතු කළ පිරිසම අද වන විට දේශපාලන කුමන්ත‍්‍රණයක යෙදී සිටින බව ජනාධිපතිවරයා පවසයි.

2015 ජනවාරි 08 වනදා පැවති ජනාධිපතිවරණයේදී මේ රටේ සුළු ජනකොටස් තමන් වෙනුවෙන් ඡන්දය භාවිතා කළේ ඔවුන්ට මුහුණ දීමට සිදුව තිබූ බරපතල ගැටලු සඳහා විසඳුම් ලබා ගනිමින් නිදහසේ ජීවත්වීමේ පරිසරය උදා කර ගැනීම වෙනුවෙන් බව පෙන්වා දුන් ජනාධිපති මෛත්‍රීපාල සිරිසේන එම වගකීම නිසි ලෙසම ඉටු කිරීමට තමා කැපවී සිටින බව අවධාරණය කළේය.

එබැවින් දේශපාලන කුමන්ත‍්‍රණවලට හසු නොවී සතුරා සහ මිතුරා හඳුනා ගනිමින් කටයුතු කරන්නැයි තමා සියලු මුස්ලිම් ප‍්‍රජාවගෙන් ඉල්ලා සිටින බව ජනාධිපතිවරයා සඳහන් කර සිටියේ 20 අඟහරුවාදා ජනාධිපති මන්දිරයේ පැවති ඉස්ලාම් බැතිමතුන්ගේ දෛනික රාමසාන් උපවාසය අත් හැරීමේ ඉෆ්තාර් උත්සවයට එක්වෙමිනි.

සියලු ජනකොටස් අතර සාමය සහ සමගිය ගොඩනංවමින් රට තුළ ස්ථීර සාර සාමයක් ඇති කිරිම සඳහා රජය පුළුල් වැඩ කොටසක් ඉටු කරමින් සිටින බවයි ජනපති සිරිසේන මෙහිදි වැඩිදුරටත් කියා සිටියේ.

ඉස්ලාම් ආගමික නායකයින් මෙන්ම ඉස්ලාම් බැතිමතුන් විශාල පිරිසක් මෙම අවස්ථාවට එක්ව සිටි අතර ජනාධිපතිවරයා විසින් ජාතික සංහිඳියාව වෙනුවෙන් ගෙන ඇති ක්‍රියාමාර්ග ඔවුන්ගේ අගයීමට ලක් විය.

Facebook Comments

wedding people