ආගම් විරෝධි ප්‍රහාර ජාතිවාදි දැයි තීරණය කල යුත්තේ නීතිපති

ආගම් විරෝධි ප්‍රකාශ සම්බන්ධයෙන් ලැබී ඇති පැමිණිළි ජාතිවාදී දැයි තීරණය කල යුත්තේ නීතිපතිවරයා යැයි පොලිසිය කියා සිටි.

මේ සම්බන්ධව පැමිණිළි 21 ලැබි ඇති බව කී නියෝජ්‍ය පොලිස්පති ප්‍රියන්ත ජයකොඩි බොදු බල සේනා සංවිධානයේ ඥණසාර හිමි, උතුරු පලාත් සභා මන්ත්‍රී සිවාජිලිංග සහ රිෂාඩ් බාදියුදීන් ඇමතිවරයාට එරෙහිව මෙම පැමිණිළි ලැබී ඇති බව ප්‍රකාශ කළේය.

මැයි මස 16 සිට අද වනතුරු වෙළඳසැල් ගිණි තැබීම, ආගමික ස්ථාන වලට පහරදීම් සම්බන්ධ සිද්ධින් 14 වාර්තා ඇති බව 21 බදාදා පැවති කැබිනට් තීරණ දැනුම් දීමේ මාධ්‍ය හමුවට එක් වෙමින් පොලිස් මාධ්‍ය ප්‍රකාශකවරයා පැවසුහ.

මෙම සිද්ධි සම්බන්ධයෙන් සැකපිට සිංහලයන් 12 දෙනෙකු මුස්ලිම් 2 සහ දෙමළ පුද්ගලයෙකු අත්අඩංගුවට ගෙන ඇති බවයි ඔහු වැඩිදුරටත් කියා සිටියේය.

කෙසේ වෙතත් රට තුළ ජාතිවාදි කෝලහාල නැති බවයි රාජිත සේනාරත්න ඇමතිවරයා මෙම මාධ්‍ය හමුවේදි සඳහන් කළේ.