ශ්‍රී ලන්කන් ගුවන් සමාගම ඇනවුම් කර තිබු ගුවන් යානා ලබා නොගෙන එම ගිවිසුම අවලංගු කිරිම හේතුවෙන් ශ්‍රී ලංකාවට සිදුවූ ආර්ථික අලාභයේ ප්‍රමාණය ශ්‍රී ලංකා මහ බැංකු බැඳුම්කර වංචාවෙන් අහිමිවූ ආර්ථික අලාභයට වඩා වැඩි අගයක් ගන්නා බවට අනාවරණය වී ඇත.
එම ගුවන් යානා ඇනවුම අවලංගු කිරීම හේතුවෙන් අවලංගු ගාස්තු ලෙස රුපියල් බිලියන 22.4 ක් ලෙස වන්දි ගෙවීමට නියමිත අතර එම අගය බැදුම්කර ගනුදෙනුවෙන් අහිමිවීමට නියමිත මුදලට වඩා දෙගුණයක වැඩිවීමක් ලෙස සැලකේ.
ඇනවුම අවලංගු කිරීමෙන් පසුව එළඹුණු එකඟතා ගිවිසුමට ශ්‍රී ලන්කන් ගුවන් සමගම වෙනුවෙන් සමාගමේ ප්‍රධාන විධායක නිලධාරී සුරේන් රත්වත්ත සහ ජාත්‍යන්තර කල්බදු මුල්‍ය ආයතනය වෙනුවෙන් එහි ප්‍රධාන විධායක නිලධාරී සෙයන් සුලිවන් අත්සන් තැබීය.
ගිවිසුමට අනුව ඇමෙරිකානු ඩොලර් මිලයන 10.5 ක් ගිවිසුම අත්සන් තැබූ සැනින් ගෙවා දැමු අතර ජනවාරි සහ ජුනි අතර කාලය තුලදී තවත් ඇමෙරිකානු ඩොලර් මිලයන 13.3 ක් ගෙවනු ලැබීය.
අවලංගු කරන ලද ගිවිසුම වෙනුවෙන් ගෙවියන් යුතු අවසන් වාරිකය ඉදිරියේදී ගෙවීමට නියමිතව ඇති අතර මේ ගනුදෙනුව හේතුවෙන් ශ්‍රී ලංකා ජාතික ගුවන් සේවය දැඩි මුල්‍ය අර්බුදයකට මුහුණ දී සිටී.
ශ්‍රී ලන්කන් ගුවන් සමාගමේ ඉහත ගුවන් යානා මිලදී ගැනීමේ ගිවිසුමට අනුව ගුවන්යානා ඇනවුම ලබා දී තිබුනේ පසුගිය මහින්ද රාජපක්ෂ රජය මඟින් වන අතර ඇනවුම ලබා දුන්නේ කවුරුන්ද , ඉන් වාසි ලැබුවේ කවුරුන්ද යන්න මෙතෙක් අනාවරණය වී නැත .
Facebook Comments
