මරාට විරුද්ධ මාර පූජාවකට පොලිස්පතිට බාහුගෙන් ආරාධනා (VIDEO)

0

බවුන් වඩමින් රටේ නීතිය ආරක්ෂා කරන වත්මන් පොලිස්පතිවරයා බුද්ධ පුජාව, ධර්ම පුජාව මෙන්ම මාරය පැමිණි විට පැවැත්විය යුතු මාර පුජාව පිලිබඳව ද අවබෝධයක් ඇතැයි නව සම සමාජ පක්ෂ නායකයා පවසයි.

ඒකාබද්ධ විපක්ෂ විසින් සැප්තැම්බර් 05 පැවැත්වීමට නියමිත උද්ඝෝෂණයේ දී ජාතිවාදය ආගම්වාදය අවුස්සමින් මරා වේශයට පත්වුවහොත් පුජිත ජයසුන්දර පොලිස්පතිවරයා ඊට සුදුසු ආකාරයට කටයුතු කරනු ඇති බවට ආචාර්ය වික්‍රමබාහු කරුණාරත්න විශ්වාසය පළ කරයි.

“මම හිතනවා පුජිත ජයසුන්දර ඒගොල්ලන්ට සුදුසු විදියට වැඩ කරයි කියලා. මාරය නටන්න ආවොත් මාරයට ලැබෙන්න ඕන සියල්ල ලබා දෙන්න පුලුවන්. ජාතිවාදය ආගම්වාදය අවසුසන්න මේ රටේ ජනතාවගේ හොඳ හිත කඩල මාරයගේ දේශයට ඇඳ ගෙන යන්න ලෑස්ති වෙලා එන්න එපා කවුරුවත්. ඒකට පූජිත ජයසුන්රගෙන් ඉඩ ලැබෙන එකක් නැහැ.” යි වික්‍රමබාහු කොළඹ දී මාධ්‍ය වෙත කියා සිටියේය.

පසුගිය මහින්ද රාජපක්ෂ පාලනය විසින් රට මිලේච්ඡ හිඟන දේශයක් බවට පත් කල බව කී වික්‍රමබාහු කරුණාරත්න ඉන් ගොඩ එමින් මනුෂ්‍යයන්ගේ දේශයක් බවට පත් කිරීමට යහපාලන රජය ගෙන ආ බව අවධාරණය කළේය.

ව්‍යවස්ථා විරෝධී මාරයා

“මහින්ද රාජපක්ෂ හදපු මිලේච්ඡයන්ගේ දේශය, හිඟන්නන්ගේ දේශය, අනෙකාගෙන් ඉල්ල ගෙන කන්නවත් ඉඩක් නැති දේශය, ආපහු මනුෂ්‍යයන්ගේ දේශයක් බවට පත් කළා. දැන් ව්‍යවස්ථාව හදන්න යනකොට ආපහු මාරයාගේ කටයුත්ත ඉදිරිපත් කරලා තියෙනවා මේ අය. ඕන කෙනෙකුට අයිතිය තියෙනවා කොළඹට එන්න. හැබැයි ජාතිවාදය අවසුසන්න හදන්න එපා.”

ඒකාබද්ධ විපක්ෂ පැවැත්වීමට නියමිත උද්ඝෝෂණය මහා දේශද්‍රෝහි හා ධර්මද්‍රෝහි ක්‍රියාවක් ලෙස හඳුන්වා දුන් නව සම සමාජ පක්ෂ නායක ආචාර්ය වික්‍රමබාහු කරුණාරත්න ඊට එරෙහිව රටේ ජනයා නැඟී සිටිය යුතු බව වැඩි දුරටත් පෙන්වා දුනි.

Facebook Comments

wedding people