ස්වාමින් වහන්සේලා සිර දඬුවම් විඳිනුයේ වර්තමානයේ පමණක් නොව තමන් සිරගත කර සිටි කාලයේ පවා භික්ෂුන් අනු දෙනෙකු පමණ සිරගත කර සිටි බවට හිටපු හමුදාපතිවරයෙකු කියා තිබේ.
වරදක් සිදු කර ඇත්නම් නීතියෙන් දඬුවම් විදිය යුතු යැයි බොදුබල සේනා සංවිධානයේ නායක ගලගොඩ අත්තේ ඥානසාර හිමියන්ට සිර දඬුවම් ලබා දීම සම්බනධයෙන්ද අදහස් දක්වමින් අමාත්‍ය ෆීල්ඩ් මාර්ෂල් සරත් ෆොන්සේකා කියා සිටියේය.
ඕනෑම වැරදි කරුවෙකුට නීතිය අනුව දඬුවම් ලබා දිය යුතු බව පවසන අමාත්‍යවරයා එයින් පිට සිදු වන සෑම ක්‍රමවේදයක්ම දැඩි පිළිකුලෙන් හෙලා දකින බවට 01 සෙනසුරාදා මාධ්‍ය වෙත ප්‍රකාශ කළේය.
වර්තමාන ආණ්ඩුව යටතේ පාතාල ක්‍රියාකාරකම් වැඩිවූ බවට සිදුකරන චෝදනාව පදනම් විරහිත බව පැවසු අමාත්‍ය සරත් ෆොන්සේකා වර්තමානයේ පාතල සමාජිකයන් ලෙස ප්‍රසිද්ධව සිටින සිළුම දෙනා පසුගිය වසර 10ක පමන කාලය තුළ බිහි වු පුද්ගලයින් බවයි පෙන්වා දෙන්නේ.
තමන්ට අපහාස කිරිමේ අරමුණින් තමන් ලඟ සිටි විශ්ව විද්‍යාල සිසුවෙක්වද පාතාල සමාජිකයෙකු ලෙස පවසමින් අත්අඩංගුවට ගත් බවද අමාත්‍ය ෆීල්ඩ් මාර්ෂල් සරත් ෆොන්සේකා වැඩි දුරටත් කියා සිටියේය.
Facebook Comments
