රාජපක්ෂ, මෛත්‍රී ආණ්ඩු යටතේ හමුදාවේ වද හිංසා ජිනිවා හීදි එළියට

0

රාජපක්ෂ පාලන සමයේදී සහ මෛත්‍රී, රනිල් යහපාලන සමයේදී හමුදාව විසින් දෙමළ වැසියන්ට සිදු කරන ලද වද හිංසා පිළිබඳව සාක්ෂි සහිත වාර්තාවක් ජිනීවාහිදී එළි දැක්වීමට ජාත්‍යන්තර සංවිධානයක් සැරසේ.

ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) විසින් සකස් කළ මෙම වාර්තාවට ශ්‍රී ලංකාවේ යුධ හමුදාවේ වද හිංසාවට ලක් වු 46 දෙනෙක් සාක්ෂි ලබා දී ඇති බවයි එම සංවිධානයේ ප්‍රකාශකයෙක් සිලෝන් ජර්නල්ස් වෙත කියා සිටියේ.

මාර්තු මස 16 වන බ්‍රහස්පතින්දා යුරෝපා වේලාවෙන් උදෑසන 10.00ට ජිනීවා හි ජාතීන්ගේ මන්දිරයේදී මෙම වාර්තාව එළි දැක්වීමට ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) සංවිධානය සැලසුම් කර ඇත.

යැස්මින් සුකා,කාලෝස් කස්ත්‍රසේන, පියෙස් පිගු සහ ශ්‍රී ලංකාවේ මානව හිමිකම් කොමිසමේ හිටපු ලේකම් එම්.සී.එම් ඉක්බාල්ගේ ප්‍රධානත්වයෙන් වාර්තාව එළි දක්වන බවයි සිලෝන් ජර්නල්ස් වෙත වැඩි දුරටත් වාර්තා වන්නේ.

Facebook Comments

wedding people