නව ව්‍යවස්ථාවේ ජනමත මෙහෙයුම රාජිතට

0
703
Ivory Agency Sri Lanka
HailHost
wedding people

යෝජිත නව ව්‍යවස්ථාවක් වෙනුවෙන් වූ ජනමත විචාරණයක් සඳහා ජනමතය සැකසීමේ ප්‍රචාරක මෙහෙයුම අමාත්‍ය රාජිත සේනාරත්න වෙත පැවරී ඇතැයි වාර්තා වේ.

පසුගියදා රජයේ මාධ්‍ය ආයතන ප්‍රධානින් කිහිප දෙනෙකු කැඳවා ඇති අමාත්‍යවරයා, ජනාධිපතිවරයා හා අගමැතිවරයා එම වගකීම තම වෙත පැවරූ බව ප්‍රකාශ කර තිබේ.

එහි ආරම්භක පියවර ලෙස අමාත්‍ය රාජිත සේනාරත්න සිවිල් සංවිධාන රාශියක් සමග ඒකාබද්ධව එම ප්‍රචාරක මෙහෙයුම රාජ්‍ය මාධ්‍ය ආයතන හරහා පළමුව ක්‍රියාත්මක කිරීමට තීරණය කර ඇති බවටයි වාර්තා වන්නේ.

ශ්‍රී ලංකා නිදහස් පක්ෂයේ බහුතරයකගේ මෙන්ම ආණ්ඩුවේ පාර්ශ්වකාර පක්ෂයක් වන ජාතික හෙළ උරුමයේ මතය වී ඇත්තේ, නව ව්‍යවස්ථාවක් සම්මත කර ගැනීම සඳහා ජනමත විචාරණයකට නොයා යුතු බවයි.

පසුගියදා ජිනිවා හී මානව හිමිකම් මණ්ඩලය ඇමතු අමාත්‍ය මංගල සමරවීර කියා සිටියේ මතුවට ජන වාර්ගික ගැටුම් ඇති නොවන බව තහවුරු කර ගැනීම සඳහා ව්‍යවස්ථා කෙටුම්පත් ක්‍රියාවලියක් යහපාලන රජය විසින් ක්‍රියාත්මක කරමින් සිටින බව සහ එය ජනමත විචාරණයකට යොමුකරන බවයි.

Facebook Comments

HailHost