දේශපාලන හා වානිජ හස්තයෙන් ප්‍රවෘත්ති කාමරය බේරා ගැනීම සඳහා ඉදිරියේදී ක්‍රියා කරන බව රජයේ ප්‍රවෘත්ති අධ්‍යක්ෂ ජනරාල් රංග කලංසුරිය පවසයි.
ආණ්ඩුවක් හැටියට ජනමාධ්‍ය ක්ෂේත්‍රයට පිවිසෙන්නන්ට හොද මාවතක් හැදීමට සුදානම් බවත් ඹවුන්ගේ වෘත්තීය භාවය නංවන්න කටයුතු කරන බවත් ඔහු වැඩි දුරටත් සදහන් කර තිබේ.
ශ්‍රී ලංකා ජනමාධ්‍ය අභ්‍යාස ආයතනයේ ජනමාධ්‍යයට අදාළ ඩිප්ලෝමා සහ සහතික පත්‍ර පාඨමාලාවන් හදාරා අවසන් කරන ලද සිසුන් 257 ක් සදහා සහතික පත් ප්‍රදානය කිරීම 15 බ්‍රහස්පතින්දා රජයේ ප්‍රවෘත්ති දෙපාර්තමේන්තු ශ්‍රවණාගාරයේදී සිදු කළ අවස්ථාවේදී ඔහු ඒ බව සදහන් කර ඇත.
එහිදී අදහස් දැක්වු පාර්ලිමේන්තු ප්‍රතිසංස්කරණ හා ජනමාධ්‍ය නියෝජ්‍ය අමාත්‍ය කරුණාරත්න පරණවිතාන පවසා ඇත්තේ අපේ රටත් ජනමාධ්‍යයත් මීට වඩා ඉදිරියට යායුතු බවත් ඉදිරියේදී මෙය ජාතික ජනමාධ්‍ය විද්‍යාලය බවට පත් කිරීමට කටයුතු කරන බවත්ය.
වෘත්තිකයෙකු යනු රැකියාවක නියුක්ත වන්නෙක් පමණක් නොව එම වෘත්තියට අයත් ආචාර ධර්ම රකින්නකු විය යුතු බවද අමාත්‍යවරයා තවදුරටත් පැවසු බවයි රජයේ ප්‍රවෘත්ති දෙපාර්තමේන්තුව පවසන්නේ.
මෙම අවස්ථාවට සහභාගිවු ශ්‍රී ලංකා ජනමාධ්‍ය අභ්‍යාස ආයතනයේ සභාපති ධර්මසේන පතිරාජ සදහන්ව කර ඇත්තේ වසරකට ජනමාධ්‍යවේදීන් ලෙස පුහුණුව ලත් තරුණ තරුණියන් 600 ක් පමණ සමාජයට එක්වන බවයි.
Facebook Comments
