ශ්‍රී ලාංකිකයන් 08 දෙනෙක්ගෙන් සමන්විත කාර්ය මණ්ඩලයක් සහිත ප්‍රවාහන නෞකාවක් අතුරුදහන් බවට වාර්තා ලැබී ඇතැයි විදේශ අමාත්‍යාංශය පවසනවා.
සෝමාලි මුහුදේදී මුහුදු කොල්ලකරුවන් විසින් අල්ලාගෙන ඇතැයි සැකකෙරෙන නෞකාව ශ්‍රී ලංකාවේ ධජය දරා යාත්‍රා කළ බවට පලවන වාර්තා විදේශ අමාත්‍යාංශය නිකුත් කළ නිවේදනයකින් ප්‍රතික්ෂේප කර ඇත.
එම යාත්‍රාව ශ්‍රී ලංකාවේ ලියාපදිංචි නොකළ එකක් බවත් එහි ශ්‍රී ලාංකිකයන් 08 දෙනෙක්ගෙන් සමන්විත කාර්ය මණ්ඩලයක් පමණක් සිටි බවටයි විදේශ අමාත්‍යාංශය සිය නිවේදනය මඟින් පෙන්වා දෙන්නේ.
අදාල නැව අයත් සමාගමේ නියෝජිතයන් සමඟ නිරන්තර සම්බන්ධතා පවත්වමින් ශ්‍රී ලාංකිකයන්ගේ ආරක්ෂාව තහවුරු කරගැනීමට ශ්‍රී ලංකා විදේශ අමාත්‍යංශය කටයුතු කරමින් සහ අදාල විදෙස් තානාපති කාර්යාල සමඟ කටයුතු කරමින් සිටින බව සිද්ධිය සම්බන්ධයෙන් විදේශ අමාත්‍යංශය නිකුත්කළ නිවේදනයක වැඩි දුරටත් සඳහන් වේ.
අදාල මුහුදු තීරයේ නාවික ගමනා ගමනයන්ට ආරක්ෂාව ලබා දෙන යුරෝපීය එක්සත් නාවික බල ඇණිය ප්‍රකාශ කරන්නේ මෙය මුහුදු කොල්ලකරුවන්ගේ ග්‍රහණයට නතුවී ඇති බවට ප්‍රකාශ කිරීමට කල් වැඩි බව සහ එය එසේ වුවහොත් 2012 වසරින් පසුව වාණිජ නෞකාවක් සෝමාලියානු මුහුදු කොල්ල කරුවන්ගේ ග්‍රහණයට නතුවූ ප්‍රථම අවස්ථාව මෙය වනු ඇති බවයි.
‘ඇරිස් 13 ‘ ලෙසින් නම් වන මෙම යාත්‍රාව පැනමාවේ අරමි නව සමාගමට අයත්වන යාත්‍රාවක් වන අතර එය එක්සත් අරාබි එමීර් රාජ්‍යයේ අවුරෝරා නැව් කළමනාකරණ සමාගම යටතේ පාලනය වන්නක් බවයි “එකුසිස් ” නාවික යාත්‍රා දත්ත සටහන් හි සඳහන්ව ඇත්තේ.
“ඕෂන්ස් බියොන්ඩ් පයිරසි සංවිධානයේ ප්‍රකාශකයෙක් වන ජොහන් ස්ටෙඩ් නැමැත්තෙකු ප්‍රකාශ කර ඇත්තේ අසල නෞකාවක් කුඩා බෝට්ටු දෙකකින් ලුහු බැඳී අතර එක්වරම එය අතුරුදහන් වූ බවකි.
Facebook Comments
