ග්‍රාමීය ආර්ථිකය සහ ජනතා අවශ්‍යතා හඳුනාගනිමින් ගම ගොඩනැගීමට නම් බැංකු සේවා ක්‍රියාත්මක විය යුතු බව ජනාධිපතිවරයා අවධාරණය කර තිබේ.
පිට රටවලින් පැමිණ කර්මාන්තශාලා අරඹන තෙක් නොසිට අපනයන කෘෂිකර්මාන්තය සංවර්ධනය කිරීම කාලීන අවශ්‍යතාවක් බව ජනාධිපති ගෝඨාභය රාජපක්ෂ පවසා ඇත්තේ ප්‍රාදේශීය සංවර්ධන බැංකුවේ වත්මන් ක්‍රියාකාරීත්වය සහ ඉදිරි සැලසුම් පිළිබඳව 02 බ්‍රහස්පතින්දා ජනාධිපති කාර්යාලයේ පැවති සාකච්ඡාවේදීය.
කර්මාන්ත බිහි වීම පමණක් සංවර්ධනය නොවන බව පෙන්වා දෙන ජනාධිපතිවරයා කෘෂිකර්මාන්තය කේන්ද්‍ර කරගනිමින් ග්‍රාමීය ව්‍යවසායකත්වය වර්ධනය කළ යුතු බව අවධාරණය කර ඇත.
අවශ්‍යතා නිවැරදිව හඳුනාගෙන කෘෂිකර්මාන්තය දියුණු කිරීමෙන් ආර්ථික සංවර්ධනය අත් කරගැනීම රජයේ අරමුණ බැවින් ඒ සඳහා ආර්ථිකය ගොඩනගන ආකාරය පහළ සිට බැලීමේ වැදගත්කම ද ජනපති මෙහිද පෙන්වා දී තිබේ.
දීර්ඝ කාලීනව ගෙවීමේ පදනම මත මහා පරිමාණ වශයෙන් ණය ගෙන ගෙවීම පැහැර හරින අයට එරෙහිව තදින් ක්‍රියාකළ යුතු බව මෙන්ම රාජ්‍ය බැංකුවලට අය විය යුතු ණය අය කරගැනීමේ ක්‍රමවේදයක් සැකසීමේ අවශ්‍යතාව ද ජනාධිපති ගෝඨාභය රාජපක්ෂ පෙන්වා දී ඇත.
Facebook Comments
