දෙමළ ජනයාට යහපාලන රජය දුන් පොරොන්දු මෙතෙක් ඉටු වී නැහැ – රාජිත

0

යහපාලන රජය විසින් උතුරේ දෙමළ ජනයාට ලබා දුන් පොරොන්දු මෙතෙක් නිසියාකාරව ඉටු වී නොමැති බව මෙන්ම පොරොන්දු ඉටු වීම මන්දගාමී බව යහපාලන රජය බිහි කිරීමට මුල් වු ප්‍රබල අමාත්‍යවරයෙක් පවසනවා.

2015 ජනාධිපතිවරණයේදී උතුරේ දෙමළ ජනයාගේ ඉඩම් අයිතිය ලබා දීමට, දේශපාලන සිිරකරුවන් නිදහස් කිරීමට, අතුරුදන් වූ දරුවන් සොයා දීමටත්, උතුරේ ජනතාවට රැකියා සහ නිවාස ලබාදීමට යහපාලන රජය විසින් පොරොන්දු වු බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න කියා සිටියේ “උතුර දකුණ යා කෙරෙන මනුෂ්‍යත්වයේ මැයි රැලිය” මැයින් ප්‍රජාත්ත්‍රවාදී ජාතික ව්‍යාපාරය විසින් යාපනයේ සංවිධානය කර තිබු මැයි රැළියට සහභාගී වෙමිනි.

දෙමළ ජනයාගේ ඉඩමි වල වාඩිලා සිටින හමුදාව අදියරෙන් අදියර ඉවත් කර එම ඉඩම් ජනතාවට ලබා දෙන බව කී අමාත්‍යවරයා බන්ධනාගාර ගත කර සිටින දේශපාලන සිරකරුවන් කඩිනමින් නිදහස් කළ යුතු බවද අවධාරණය කළේය.

උතුරේ දෙමළ ජනතාවගේ ඉඩම් අයිතිය වෙනුවෙන් සහ දේශපාලන සිරකරුවන් නිදහස් කර ගැනීම වෙනුවෙන් කැබිනට් මණ්ඩලයේදී තමන් අරගල කරන බව පවසන ඇමති රාජිත සේනාරත්න ලබන වසරේ මැයි දිනයට පෙර දෙමළ ජනතාවගේ ගැටලු විසදීමට යහපාලන රජය කටයුතු කරන බවටද සහතික විය.

Facebook Comments

wedding people