උසස් අධ්‍යාපනය පුළුල් කිරීම ලෝක බැංකුවෙන් ඇ.ඩො. මිලියන 100ක්

0

ලෝක බැංකුවෙ අන්තර්ජාතික සංවර්ධන සමායතනය (IDA) හා ප්‍රතිසංස්කරණය සහ සංවර්ධනය සඳහා වන ජාත්‍යන්තර බැංකුව (IBRD)මගින් උසස් අධ්‍යාපනය පුළුල් කිරීම හා සංවර්ධනය කිරීම වේගවත් කිරීමේ ක්‍රියාවලිය (AHEAD) සඳහා එක්සත් ජනපද ඩොලර් මිලියන 100 ක ණය පහසුකම් ලබාදීමට කැමැත්ත ප්‍රකාශ කර ඇති බව මුදල් අමාත්‍යාංශය සඳහන් කරයි.

ඊට අදාළ ගිවිසුම් මුදල් අමාතයංශ ලේකම්වරයා සහ ලෝක බැංකු නියෝජිතයින් අතර 17 සඳුදා අත්සන් තැබුණු බව මුදල් හා ජනමාධ්‍ය අමාත්‍යංශය සඳහන් පවසයි.

ආර්ථික සංවර්ධනය සඳහා මූලික වන උසස් අධ්‍යාපන ක්ෂේත්‍රයන්ට සිදුකරන (විද්‍යා, තාක්ෂණ, ඉංජිනේරු විද්‍යාව හා ගණිතය (STEM) බඳවා ගැනීම් වැඩි කිරීම, උසස් අධ්‍යාපනයේ ගුණත්වය ඉහළ නැංවීම, පර්යේෂණ හා සංවර්ධනයන්, නවෝත්පාදන ප්‍රවර්ධනය කිරීම. යන ක්ෂේත්‍රයන් 3 ක් කෙරෙහි අවධානය යොමු කර උසස් අධ්‍යාපනය පුළුල් කිරීම හා සංවර්ධනය කිරීම වේගවත් කිරීමේ ක්‍රියාවලිය සඳහා මෙම ණය ලබා දී ඇත.

මෙම ව්‍යාපෘතිය උසස් අධ්‍යාපන හා මහාමාර්ග අමාත්‍යංශය හරහා 2022 වර්ෂය දක්වා ක්‍රියාත්මක කිරීමට නියමිතය.

Facebook Comments

wedding people