ඊයේ (01) පැවති මැයි දින රැළි වලින් වැඩිම ජනතාවක් සහභාගී වු ජන රැළිය හිටපු ජනපති පාර්ලිමේන්තු මන්ත්‍රී මහින්ද රාජපක්ෂගේ ප්‍රධානත්වයෙන් ගෝල් ෆේස් හි පැවති ජන රැළිය බව මේ වන විට සියලු බුද්ධි අංශ සිය අවසන් වාර්තා මඟින් පෙන්වා දෙයි.
එම රැළියට ලක්ෂ තුනකට අ‍ාසන්න ජනතාවක් සහභාගී වී ඇති බවට බුද්ධි අංශ විශ්වාසය පළ කරයි.
එක්සත් ජාතීක පක්ෂය විසින් කැම්බල් පිටියේ පැවැත් වු රැළියට හැත්තෑ දහසක් හෝ අසු දහසකට ආසන්න පිරිසක් පැමිණ ඇති බවත් ඒ අනුව දෙවැනියට වැඩිම පිරිස සහභාගී වී ඇත්තේ එම රැළියට බවයි බුද්ධි වාර්තා පවසන්නේ.
ජනපති මෛත්‍රීපාල සිරිසේනගේ ප්‍රධානත්වයෙන් මහනුවර ගැටඹේ පැවති ශ්‍රීලනිප මැයි රැළියට හතලිස් පන් දහසක් හෝ පනස් දහසකට ආසන්න පිරිසක් පැමිණ ඇති බවයි බුද්ධි අංශ සිය අවසන් වාර්තාවේ දක්වා ඇත්තේ.
ජවිපෙ මැයි රැළියට ගිය වසරට සාපේක්ෂව වැඩි පිරිසක් සහභාගි වී ඇති බව පවසන බුද්ධි අංශ එම සංඛයාව විසි පන්දහසක් පමණ වන බවයි වැඩි දුරටත් සිය වාර්තා මඟින් පෙන්වා දෙන්නේ.
Facebook Comments
