ඉන්ධන බෙදා හැරිම නැවතු සහ තෙල් සේවකයන්ට පහර දුන් අය අල්ලන්න නියෝග

0
ඡායා - ෂෙහාන් ගුණසේකර

කොළොන්නාව තෙල් සංස්ථාව ඉදිරිපිටදී උද්ඝෝෂණයක් පවත්වා ඉන්ධන බෙදාහැරීම අක‍්‍රමවත් කර ජාතික ආරක්ෂාවට සහ මහජනයාට පීඩාවක් වන අයුරින් කටයුතු කළැයි ඛනිජ තෙල් වෘත්තීය සමිති එකමුතුවේ මාධ්‍ය ප‍්‍රකාශක ඇතුලූ නායකයින් 16 දෙනෙකුට කොළඹ අතිරේක මහේස්ත‍්‍රාත් වරෙන්තු නිකුත් කර කිබේ.

නියෝජ්‍ය පොලිස්පති වසන්ත වික‍්‍රමසිංහගේ නියමයකට අනුව ඉකුත් 26 වැනිදා වැලිකඩ පොලීසිය මගින් මෙම පුද්ගලයින් 16 දෙනාට බැදුම්කර මත පොලිස් ඇප ලබා දී අධිකරණයේ පෙනී සිටින ලෙසට දැනුම් දී තිබූණද අද (31) මහේස්ත‍්‍රාත් හමුවට ඉදිරිපත් නොවීම මත මෙලෙස වරෙන්තු නිකුත් කළේය.

මේ අතර වර්ජනයේ නිරතව සිටි ඛනිජ තෙල් සංස්ථා සේවකයින්ට පහරදුන් බව කියන සිද්ධියට අදාළ පුද්ගලයින් වහාම අත්අඩංගුවට ගෙන අධිකරණයට ඉදිරිපත් කරන ලෙස කොළඹ අතිරේක මහේස්ත්‍රාත් රංග දිසානායක වැල්ලම්පිටිය පොලිසියට නියෝග කර ඇත.

තෙල් සංස්ථා සේවක උද්ඝෝෂණයේ දී එම ස්ථානයට පැමිණි බාහිර පුද්ගලයින් කිහිප දෙනකු පොලු මුගුරු අතැතිව සංස්ථා සේවකයින් කිහිපදෙනකුට පහරදුන් බව කියමින් එහි සේවකයින් තිදෙනකු වැල්ලම්පිටිය පොලිසියට කළ පැමිණිල්ලක් මත අධිකරණය මෙම නියෝගය ලබා දුන්නේය.

 

Facebook Comments

wedding people