අම්පාරේ දී මුස්ලිම් විරෝධි ප්‍රහාරයක් දියත් කිරිම සම්බන්ධයෙන් විධිමත් පරීක්ෂණයක් සිදුකර වැරදිකරුවන්ට තරාතිරම නොබලා දඩුවම් කරන ලෙස කර්මාන්ත හා වාණිජ කටයුතු අමාත්‍යවරයා කැබිනට් හමුවේදී ඉල්ලා තිබේ.
ජනාධිපති මෛත්‍රිපාල සිරිසේනගෙන් හා අග්‍රාමාත්‍ය රනිල් වික්‍රමසිංහගේන 27 අඟහරුවාදා පැවති කැබිනට් හමුවේදී මෙම ඉල්ලිම කල බවයි ඇමැති රිෂාඩ් බදියුදීන් නිකුත් කල නිවේදනය දැක්වෙන්නේ.
ප්‍රහාරය සිදු කරන අවස්ථාවේදී එයට යාබදව පොලිස් නිළධාරීන් පිරිසක්ද ඉඳ ඇති නමුත් ඔවුන් මෙම ගැටුම වැලැක්වීමට කිසිදු පියවරක් ගෙන නැති බව කර්මාන්ත හා වාණිජ කටයුතු අමාත්‍යවරයා කැබිනට් හමුවේදී ප්‍රකාශ කර තිබේ.
වසර තිහක කාලයක් පුරා යුද්ධයෙන් බැට කෑ ශ්‍රී ලංකිකයින් නැවතත් ජාතිවාදී ගැටුම් කරා ඇද යන ජාතිවාදීන් මෙම ක්‍රියාව පිටුපස ඇතැයි තමා විශ්වාස කරන බව අමාත්‍ය රිෂාඩි බදියුදීන් කියා සිටියේ යැයි ඔහුගේ මාධ්‍ය ඒකකය නිකුත් කල නිවේදනයේ වැඩි දුරටත් සඳහන් වේ.
මේ අතර අම්පාර සිද්ධිය මේ වන විට පාලනය කර තිබෙන බවත් එම සිද්ධිය සම්බන්ධයෙන් පරීක්ෂණ ආරම්භ කර තිබෙන බව සම කැබිනට් ප්‍රකාශක රාජිත සේනාරත්න ඇමැතිවරයා 28 බදාදා පැවති කැබිනට් තීරණ දැනුම් දෙන මාධ්‍ය හමුවේදි කියා සිටියේය.
ජාතිවාදය වැළැක්වීම සම්බන්ධයෙන් කටයුතු කිරීමේ විශාල වගකීමක් දේශපාලඥයින්ට හා මාධ්‍යයට තිබෙන බව අමාත්‍යවරයා වැඩිදුරටත් මෙහිදි පෙන්වා දුනි.
Facebook Comments
