ඒකීය රටක් තුළ ආණ්ඩුවෙන් ඉෂ්ට කරන්නේ සිංහල ජනතාවගේ අදහස් පමණයි

0

දහතුන්වන ව්‍යවස්ථා සංශෝධනය ක්‍රියාත්මක කර ඒකිය රටක් තුළ බලය බෙදීම ගැන ජනාධිපතිවරයාගේ අදහස දෙමළ දේශපාලනඥයකුගේ විවේචනයට ලක්ව තිබේ.

දෙමළ ජනතාවගේ ගැටලුවලට ඉන් විසඳුමක් නොලැබෙන බව පෙන්වා දෙන පාර්ලිමේන්තු මන්ත්‍රී සී.වී. විග්නේෂ්වරන් ඒකීය රාජ්‍යයක් තුළ සෑම විටම සිදුවන්නේ බහුතර සිංහල ජනතාවගේ අදහස් පමණක් ආණ්ඩුවෙන් ඉෂ්ට කිරීම බවටයි ඔහු චෝදනා කරන්නේ.

“13 වෙනි සංශෝධනය ඉම්පිලිමන්ට් කරන එක හොඳයි. නමත් අපේ ප්‍රශ්නවලට ඒක විසඳුමක් නෙමෙයි ඒ කියන්නේ ඒකීය රාජ්‍යයක් තියෙනකොට සිංහල මිනිස්සුන්ගේ අදහස තමයි ඒ ආණ්ඩුවෙන් ඉෂ්ට කරන්නේ.” යැයි පාර්ලිමේන්තු මන්ත්‍රී සී.වී. විග්නේෂ්වරන් 08 වනදා කොළඹ දී මාධ්‍ය වෙත කියා සිටියේය.

කෙසේ නමුත් 13 වන සංශෝධනයෙන් දැනට තියෙන තත්ත්වයෙන් සම්පුර්ණයෙන්ම ක්‍රියාත්මක කිරීම යහපත් දෙයක් වුවත් දෙමළ ජනතාවට විසඳුමක් ලැබෙන්නේ පෙඩරල් ක්‍රමයක් හරහා බව හෙතෙම අවධාරණය කළේය.

දහතුන්වන ව්‍යවස්ථාව සංශෝධනය ක්‍රියාත්මක කරන බවට ජනාධිපතිවරයා කියා සිටියද එය ඉටු කිරිම සැක සහිත බවද මන්ත්‍රීවරයා පැවසීය.

“ඒගොල්ලෝ පොරොන්දු වෙච්ච එක ඇත්ත. ඒ පොරොන්දු ඉෂ්ට කරන්න ඉන්නේ කියන එකත් ඇත්ත. ඒත් මැද මොනවා වෙයි ද කියලා අපි දන්නේ නෑ… අද වෙනකල් වෙලා තියන්නේ එහෙම තමා. කොයි ආණ්ඩුවෙන් දෙයක් කරත් විරුද්ධ පක්ෂය ඇවිත් මොනවා හරි කරනවා. රනිල් වික්‍රමසිංහ මහත්තයා 2001 දී චන්ද්‍රිකා මැඩම් ගෙනාව එකට විරුද්ධ වෙලා ව්‍යවස්ථාන ඉරලා ගිනිතිබ්බා පාර්ලිමේන්තුව ඇතුළේ. එක එක්කෙනා ඒකට විරුද්ධව කරනවා අන්තිමේ දී අපිට මුකුත් ලැබෙන්නේ නෑ. නමුත් දැනට දෙනවා කියලා තියෙනවා. අපි ඒක පිළිගන්නවා.” යි පාර්ලිමේන්තු මන්ත්‍රී සී.වී. විග්නේෂ්වරන් වැඩිදුරටත් කියා සිටියේය.

Facebook Comments

wedding people