කූඨ ලේඛන සැකසීමේ චෝදනාවට රිමාන්ඩ් භාරයේ සිටි හිටපු මන්ත්‍රී තිස්ස අත්තනායක මහතා රුපියල් 25000 මුදල් ඇප හා රුපියල් ලක්ෂ 5 බැගින් වූ ශරීර ඇප මත මුදාහැරීමට කොළඹ මහාධිකරණ විනිසුරු කුසලා සරෝජිනී වීරවර්ධන මහත්මිය 5 සදුදා නියෝග කර තිබේ.
ඔහුගේ විදෙස් ගමන් ද තහනම් කර ඇති අතර ලබන මාර්තු 20 වැනිදා සිට නඩුව දිනපතා විභාගයට ගැනීමට මහාධිකරණය තීන්දු කර ඇත.
පසුගිය ජනාධිපතිවරණ සමගේ විපක්ෂයේ පොදු අපේක්ෂක මෛත්‍රීපාල සිරිසේන මහතාගේ සහ විපක්ෂ නායක රනිල් වික්‍රමසිංහ මහතාගේ අත්සන් යොදා සකස් කළ ව්‍යාජ ගිවිසුමක් ප්‍රසිද්ධියට පත්කිරීම ඔහුට විරුද්දව එල්ල වී ඇති චෝදනාව වේ.
Facebook Comments
