රාජ්‍ය මාධ්‍ය තවමත් මහින්දට කඩේ යමින් ඔහුගේ පුවත් පළ කරමින් සිටින බවට රජයේ ප්‍රබල අමාත්‍යවරයෙක් වන මනෝ ගනේෂන් චෝදනා කළේය.
පසුගිය දිනක ජාතික සංවාද පිළිබද අමාත්‍ය මනෝ ගනේෂන් සහභාගී උත්සවයක් වාර්තා කිරීම සඳහා රාජ්‍ය මාධ්‍ය නොපැමිණීම සම්බන්ධයෙන් එහි සංවිධායකයන්ගෙන් විමසමින් ඔහු මේ බව පැවසීය.
රජයේ ඇමතිවරුන් සහභාගී වන වැඩසටහන් රාජ්‍ය මාධ්‍ය අනිවාර්යෙන්ම වාර්තා කළ යුතු බවටයි ඔහු අවධාරණය කර සිටියේ.
රජය මාධ්‍ය සිටින්නේ ආණ්ඩුවේ දේවල් ප්‍රචාරණය කිරීමට මිස මහින්ද රාජපක්ෂගේ දේවල් ප්‍රචාරණය කිරීමට නොවන බවයි අමාත්‍යවරයා රාජ්‍ය මාධ්‍යට දොස් නඟමින් සඳහන් කළේ.
මේ අතර මාධ්‍ය මඟින් රජයට එල්ල වන දැඩි ප්‍රහාරයන්ට රාජ්‍ය මාධ්‍යන් මුහුණදීමට අපොහොසත් වී ඇති බැවින් ආණ්ඩුවට එරෙහි මඩ ප්‍රහාරයන්ට ප්‍රතිචාර දැක්වීමේ වගකීම අගමැතිවරයා හා ජනාධිපතිවරයා විසින් විදේශ අමාත්‍ය මංගල සමරවීර වෙත පවරන ලදී.
මහින්ද රාජපක්ෂ රජය පෙරළා දමමින් යහපාලන ආණ්ඩුව බිහි කිරීම සඳහා මංගල සමරවීර සහ රුවන් ෆර්ඩිනෑන්ඩස් එකල විශාල මාධ්‍ය මෙහෙයුමක නිරත විය.
Facebook Comments
