තමිල්නාඩුවේ අම්මා ලෙස විරුදාවලිය ලබමින් දකුණු ඉන්දීය ජනයාගේ මහත් ආදරයට පාත්‍ර වු ජයලලිතා ජයරාම් හෘදයාබාධයකින් මිය ගියේය.
මිය යන විට 66 වන වියේ පසු වු ජයලලිතා ජයරම් මිය යන විට තමිල්නාඩු මහ ඇමතිනිය ලෙස කටයුතු කරමින් සිටියහ.
රිදි තීරයෙන් රසික සිත් දිනා ගත් අය පසුව දේශපලනයට අවතීරණය වු අතර ලංකීය දෙමළ ජනයා වෙනුවෙන් හඬ නැඟු නිසාවෙන්ම සිංහල ජාතීවාදින්ගේ වෛරයටද පාත්‍ර විය.
අප්‍රියෙල් මසයේ සිටි මහ ඇමතිනිය රෝගතුරුව ප්‍රතිකාර ලැබු අතර ඇයගේ මරණය ප්‍රකාශ කිරීමත් සමඟ රෝහල අසල රැස්ව සිටි ජනතාව හඬ වැළපුනහ.
සිවි වරක්ම ඇය මහඇමකි ධුරය හොබ වනු ලැබුවේ ඉන්දියාවේ බලවත්ම කාන්තාව ලෙසය.
2014 වසරේදී අල්ලස් චෝදනා මත ඇය වසර හතරකට සිරගත කලද 2015දී නිදහස ලබා නැවතත් මහ ඇමතිනිය ලෙස පත්වීමට වරම් ලැබුවාය.
ලංකිය දෙමළ ජනයා වෙනුවෙන් විශාල හඬක් නගනු ලැබු ජයලලිතා ජයරම් එල්ටීටීඊ සංවිධානයටද විරුද්ධව කටුයුතු කළාය.
දෙමළ සිනමාවේ සහ දේශපාලනයේ විශිෂ්ඨ සටහනක් තැබු ජයලලිතා ජයරම්ගේ අවසන් කටයුතු 7 වන බදාදා සිදු කරන බවට එරට මාධ්‍ය වාර්තා කරන අතර ඇගේ අභාවය වෙනුවෙන් තුන් දිනක ශෝක කාලයක් ප්‍රකාශයට පත් කොට ඇත.
Facebook Comments
