දැඩි ආරක්ෂක බාධා මැද 25 අවුරුද්දකට ඉහත සමුලඝාතනයක් සිහිපත් කෙරේ

0
Ivory Agency Sri Lanka
wedding people

විසි පස් වසරකට ඉහතදී ශ්‍රී ලංකා ගුවන් හමුදාව විසින් යාපනයේ නාගර්කෝවිල් රජයේ විදුහලට එල්ල කළ බෝම්බ ප්‍රහාරයකින් ඝාතනයට ලක්වූ පාසල් සිසුන් විසි හය දෙනකු දැඩි බාධා මධ්‍යයේ පාසල් භුමිය තුළ දී අනුස්මරණය කර තිබේ.

යාපනයේ නාගර්කෝවිල් විදුහලේ සැප්තැම්බර් 22 අගහරුවාදා එම සැමරුම පවත්වද්දී, රජයේ ආරක්ෂක අංශ විසින් නාගර්කෝවිල් ගම්මානයට ඇතුල් වු සියලු දෙනා දැඩි පරීක්ෂාවට ලක් කළ බව පළාත් බද වාර්තාකරුවෝ පවසති.

1995 සැප්තැම්බර් 22 වැනිදා යාපනයේ නාගර්කෝවිල් විදුහලට ශ්‍රී ලංකා ගුවන් හමුදාවට අයත් පුකාරා ප්‍රහාරක යානා විසින් එල්ල කරන ලද ප්‍රහාරයකින් පාසැල් සිසු-සිසුවියන් 26 ක් ඇතුළු 41 දෙනෙක් විදුහල් පරිශ්‍රය තුළ සහ ආසන්න මාර්ගයේදී මරණයට පත්ව තිබුනි.

බෝම්බ ප්‍රහාරයෙන් මිය ගිය වුන් සිහි කරමින් එදින නාගර්කෝවිල් හි පිහිටි මුරුගන් කෝවිල තුළද පූජාවක් පැවැත්වු අතර ඒ සදහා ප්‍රහාරයෙන් මිය ගිය සිසුන්ගේ දෙමාපියන් කිහිපදෙනකු සහ එවකට පාසලේ විදුහල්පතිවරයාව සිටි සී. මහේන්ද්‍රන් එක්ව තිබේ.

චන්ද්‍රිකා බණ්ඩාරනායක කුමාරතුංග පළමු පාලන සමයේ යාපනයේ නාගර්කෝවිල් විදුහලට ගුවන් බෝම්බ ප්‍රහාරය එල්ල කරද්දී, ශ්‍රී ලංකාවේ ගුවන් හමුදාපති ධූරය දරන ලද්දේ එයාර් මාර්ෂල් ඔලිවර් මැතීව් රණසිංහ විසිනි.

2007 ඔක්තෝම්බර් මස 01 වන දින ඔහු එයාර් චීෆ් මාර්ෂල් නිලයට උසස් කරන ලද්දේ ගුවන් හමුදවටත් රටටත් කල සේවය අගයමින් බව ශ්‍රී ලංකා ගුවන් හමුදාව නිවේදනය කර තිබේ.

ගුවන් හමුදා ප්‍රහාරයෙන් මිය ගිය සිසු-සිසුවියන්ගේ නම් වයස සමග පහත පරිදිය.

ධර්මලිංගම් උෂාන්ති (13), මර්කන්ඩු නාගලෝගිනී (10), තාමෝදරම් සකුන්තලා (12), ආර්. රෙජීනා (11), ලෝගරාජා තුෂාන්තිනී (14), රවීන්ද්‍රන් අමීර්තා (10), බාලචන්ද්‍රන් රජිතා (10), නවරත්නසාමි උමාදේවී (12), සුන්දරලිංගම් පලනි (15), සුන්දරලිංගම් තර්සිනී (14), කුගසරවනමලෛ තර්සිනී (13), රාජීවන් ගාන්ධි වේනු (11), ක්‍රිස්ණගෝපාල් තවසීලන් (13), රාජරත්නම් කවීතා (10), නාගමුත්තු සෙන්තිවේල් (15), අල්ෆොන්ස් අමලවිජී (14), මහාලිංගම් සන්මුගවඩිවේලන් (16), ආර්. සුමිත්‍රා (10), කේ. මේදිනී (14), නවමනී මිදුරා (14), සෙල්වම් (15), රාඝවන් (16), තංගරාසා වසන්තකුමාර් (6), මයිල්වාගනම් ඥාණරදන් (14) හා රන්ජිත්කුමාර් රාජිතා (11).

Facebook Comments