වත්මන් රජය කටයුතු කරන ආකාරය පිළිබඳව අමෙරිකානු රජය බෙහෙවින් සතුටට පත් වන බව ශ්‍රී ලංකාවේ අමෙරිකානු තානාපතිවරයා පවසයි.
අමෙරිකානු රජයේ ආධාර මත යාපනය ප්‍රදේශයේ පවත්වනු ලබන වෛද්‍ය සායනයක් පිළිබඳව සොයාබැලීම සඳහා අමෙරිකානු තානාපතිවරයා යාපනය ප්‍රදේශයේ සංචාරයකට එක්වෙමින් ශ්‍රී ලංකාවේ අමෙරිකානු තානාපති අතුල් කේෂප් මහතා මෙම අදහස් පළ කර තිබේ.
යුධ අපරාධ සම්බන්ධයෙන් සොයා බලා කටයුතු කිරීමට රජය ගෙන ඇති යාන්ත්‍රණය පිළිබඳව සහ නව ව්‍යවස්ථා සංශෝධනයක් සිදුකිරීම පිළිබඳව ඇමරිකාව සතුට වන බවයි ඔහු පවසන්නේ.
සියලු ජාතීන්ට එකහා සමානව සැළකීමට වත්මන් රජය ගෙන යනු ලබන ක්‍රියාමාර්ග අගය කරන බවත් ඊට සෙසු පක්ෂ ලබාදෙන සහය පිළිබදව සතුටට පත් වන බවත් අතුල් කේෂප් පෙන්වා දෙයි.
මෙහිදී යාපනයේ දේශපාලන පක්ෂ නියෝජිතයින් සමග ද සාකච්ඡා පවත්වා තිබෙන අතර විපක්ෂ නායක ආර්.සම්බන්ධන් ඇතුළු දෙමළ ජාතික සන්ධානයේ නායකයින් සමග අතුල් කේෂප් ඊයේ(15) පස්වරුවේ සාකච්ඡා පැවැත්වු බව දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ.සුමන්තිරන් සඳහන් කළේය.
ශ්‍රී ලංකාවේ අමෙරිකානු තානාපති අතුල් කේෂප්ගේ මෙම සංචාරයෙන් කිසිඳු යහපතක් සිදුනොවු බව උතුරු පළාත් සභාවේ සභාපති කේ.ශිවඥානම් පවසයි.
ඔහු චෝදනා කර සිටින්නේ උතුරේ ජනතාවගේ ආර්ථිකය සමෘද්ධිමත් කිරීම පිණිස ආධාර ලබා දෙන මෙන් ඉල්ලා සිටි අවස්ථාවේදී අමෙරිකානු තානාපතිවරයා එම ගැටළු පිළිබඳව නිසි ප්‍රතිචාරයක් ලබානොදුන් බවටයි.
Facebook Comments
