දුෂිතයන්ට දඬුවම් දෙන ජනපති අපරාධකරුවන් අත හරීද? (VIDEO)

0

බලහත්කාරයෙන් අතුරුදහන් කර වුවන් රජයේ හමුදා කඳවුරක, පොලිසියක,සිරකඳවුරු වල හෝ වෙනයම් කිසිඳු ස්ථානයක රඳව ගෙන නැති බව ජනාධිපතිවරයා උතුරේ දී සහතික කර තිබේ.

“අතුරුදහන් වෙච්ච අය හංගගෙන ඉන්නවා කියලා මේ රටේ ඒගොල්ලො කිව්වා හමුදා කඳවුරු වල පොලිසියේ සිරකඳවුරු වල කැළෑවේ ආණ්ඩුව ඒගොල්ලො හංග ගෙන ඉන්නවයි කියලා නමුත් මම රජය විදියට බොහොම පැහැදිලිව ඒ ගැන හොයල බැලුවා මම කාරුණිකව කියන්න ඕනෙ එහෙම කිසිම කඳවුරක හෝ කිසිම තැනක කිසිම කෙනෙක් නැහැ මේ රටේ” යැයි ජනාධිපති මෛත්‍රීපාල සිරිසේන යාපනයේදී කියා සිටියේය.

උතුරේ පමණක් නොව දකුණේ ද පිරිස් යුද සමයේදී අතුරුදහන් වීම් සිදු බව ජනාධිපතිවරයා 05 සඳුදා යාපනයේ පැවති රැස්වීමකදී කියා සිටියේය.

අතුරුදහන් වුවන්ගේ පවුල් වල උදවියට රජයෙන් අවශ්‍ය සුබ සාධන සියල්ල ලබා දීමට කටයුතු කරන බව ජනාධිපතිවරයා කියා සිටියද අතුරුදහන් කරවීම් වලට සම්බන්ධ පුද්ගලයන්ට ගන්නා වු ක්‍රීයා මාර්ගයක් හෝ ඒ පිළිබඳ සොයා බලන බවක් ප්‍රකාශ කර නොමැත.

අවුරුද්දකට ආසන්න කාලයක් තිස්සේ අතුරුදහන් වු තම සමීපතමයන් සොය දෙන ලෙස බල කරමින් කිලිනොච්චිය, මුලතිව් සහ වව්නියාවේ විරෝධතාවයේ නිරත වන එම ඥතීන් පවසන්නේ සුබ සාධන නොව තමන්ට යුක්තිය හා සත්‍ය දැන ගැනීම අවශ්‍ය බවයි.

රහසිගත කඳවුරු

හමුදාවට බාර වීමෙන් පසු සහ බාර දීමෙන් පසු අතුරුදහන් වුවන්ගේ ලේඛනය ආරක්ෂක මණ්ඩලයෙන් ඉල්ලා ඉදිරිපත් කිරිමට යාපනයේදී අතුරුදහන් වුවන්ගේ ඥාතීන් හමු වු අවස්ථාවේ ජනාධිපතිවරයා පොරොන්දු වී තිබුණ ද අතුරුදහන් වූවන් සොයා දෙන ලෙස ඉල්ලා කිලිනොච්චියේ දියත් කර ඇති සත්‍යග්‍රහයට දින දෙසීයක් පිරෙද්දී ජනාධිපතිවරයාගේ කැඳවීමෙන් කොළඹ ගිය අතුරුහන් වුවන්ගේන් ඥාතීන් හට ජනපති දැනුම් දී ඇත්තේ උතුරේ යුද්ධයේ අවසන් සමයේ බාර වු අයගේ ලැයිස්තුවක් තමන් සතුව නැති වග හමුදාපතිවරුන් පැවසු බවයි.

අතුරුදහන් වුවන් පිළිබඳව වු කාර්යාලය ද මෙතෙක් පිහිටුවා නොමැත.

රහසිගත සිර කදවුරු ශ්‍රී ලංකාවේ ආරක්ෂක අංශ යටතේ පවත්වාගෙන යනු ලබන බව මෙන්ම ත්‍රිකුණාමල නාවික හමුදා කඳවුරේ පිහිටි එයින් එක් රහසිගත වධකාගාරයක් දැක බලා ගැනීමට තමන් ගිය බව 2015 වසරේ දිවයිනට පැමිණි බලහත්කාරයෙන් හෝ නොකැමැත්තෙන් හෝ අතුරුදහන් කරනු ලැබුවන් සම්බන්ධ එක්සත් ජාතීන්ගේ ක්‍රියාකාරී කමිටුව කොළඹ දී මාධය වෙත හෙළි කර තිබුණි.

Facebook Comments

wedding people