ශ්‍රී ලංකාවේ හැත්තෑ වන නිදහස් දිනයට පැමිණි බ්‍රිතාන්‍යයේ කුමාරයා දකුණේ හමුදා සංදර්ශන නරඹන විට උතුරේ හමුදාවෙන් නිදහස පතා දෙමළ ජනයා විරෝධතා පවත්වා තිබේ.
“හමුදාව යට වෙලා ඉන්න අපිට මොන නිදහසක්ද අපේ ඉඩම් හමුදාව අල්ලන් අපේ දරුවෝ නැහැ” යි 04 ඉරිදා “කළු දිනය” ලෙස නම් කරමින් විරෝධතාවයේ නිරත වු කිලිනොච්චියේ, වව්නියාවේ සහ මුලතිව් වැසියෝ චෝදනා කරති.
වසරකට ආසන්න කාලයක් විරෝධතාවයේ නිරත අතුරුදහන් වුවන්ගේ ඥාතීන් විරෝධතාවයේ නිරත වු අතර මුලතිව්, කේපාපිලව් වැසියෝ හමුදාව කඳවුරු බැඳ සිටින තම ඉඩම් නිදහස් කරන ලෙස බල කරමින් විරෝධයේ නිරත වූහ.
කලු පටි පැලද සිය ඉල්ලීම් සහිත පුවරු රැගත් දරුවන්ද සමගින් මුරුගන් කොවිල වෙත යමින් සිටි ජනතාවට කේපාපිලව් ජනතාවට පොලීසිය විසින් දන්වා ඇත්තේ අධිකරණ නියෝගයකට අනුව විරෝධතා පැවැත්විය නොහැකි බවයි.
සිවිල් ඇඳුමින් එම ස්ථානය පැමිණි මුලතිව් දිසාව බාර පොලිස් අධිකාරි වසන්ත කන්දෙවත්ත විරෝධතාකරුවන්ට, සහ හින්දු පූජකවරයාට බැන වැදී සත්‍යග්‍රහ පවත්වන ස්ථානයෙන්ද එලවා දමන බවට තර්ජනය කල බව සිලෝන් ජර්නල්ස් වාර්තාකරු පවසයි.
නිදහස පතා අරගල කරන දෙමළ ජනතාව නිදහස් දිනය සමරන සිංහලයන්ට සුබ පැතුම් එක් කරන බව සදහන් බැනරයක් ප්‍රදර්ශන කරමින් අතුරුදහන්ව සිටින තම පවුලේ සමීපතමයන් සොයා දෙන ලෙස රජයට බලකරමින් වව්නියාව තැපැල් කාර්යාලය ඉදිරිපිට දින 346 ක් විරෝධතාවයේ යෙදී සිටින දෙමළ ජනතාව පෙබරවාරි 4 දින නිහඩ විරෝධතාවයක් පවත්වා ඇත.
අතුරුදහන්ව සිටින සිය සමීපතමයන් සොයා දෙන ලෙස ඉල්ලමින් කිලිනොච්චි කන්දසාමි කොවිල ඉදිරිපිට විරෝධතාවයේ යෙදී සිටින දෙමළ ජනතාව ද නලලෙහි කලු පටි පැලැද සිය විරෝධතාවය දක්වා තිබේ.
දකුණේ නිදහස් දිනය සැමරුවද තමන්ගේ අතුරුදන්වූ ඥාතීන් සොයාදෙන තෙක් සැබෑ නිදහසක් තමන්ට උදානොවන බවද ඔවුන් අවධාරණය කර ඇත.
Facebook Comments
