බැඳුම්කර වංචාව සම්බන්ධයෙන් සැක පිට අත්අඩංගුවට ගෙන සිටින පර්පෙචුවල් සමාගමේ හිමිකරු අර්ජුන් ඇලෝෂියස් සහ එම සමාගමේ ප්‍රධාන විධායක නිලධාරී කසුන් පලිසේනට ඇප ලබා දීමට දැඩිව විරුද්ධ වන බව නීතිපති දෙපාර්තුමේන්තුව අධිකරණයට දැනුම් දී තිබේ.
පර්පෙචුවල් සමාගමේ හිමිකරු අර්ජුන් ඇලෝෂියස් සහ එම සමාගමේ ප්‍රධාන විධායක නිලධාරී කසුන් පලිසේන වෙනුවෙන් කර ඇති ඇප ඉල්ලීම සම්බන්ධයෙන් දැඩි විරුද්ධත්වයක් දක්වන බව නීතිපති දෙපාර්තමේන්තුව 09 සිකුරාදා කොළඔ කොටුව අධිකරණයට ලිඛිතව දැනුම් දී ඇත්තේ ඇප ඉල්ලීමට අදාළ ලිඛිත යෝජනා ලබා දෙන ලෙස අධිකරණය දෙපාර්ශවය කරන ලද නියෝගයකට අනුවය.
කෙසේ වුවත් දෙපාර්ශවයේ විසින් කර ඇති සියලු කරුණු සළකා බලා ඇප ඉල්ලීම සම්බන්ධයෙන් වන නියෝගය ලබන පෙබරවාරී 16 වන දා පස්වරු 2කට නිකුත් කරන බව ලංකා ජයරත්න මහේස්ත්‍රාත්වරිය දන්වා ඇත.
ශ්‍රී ලංකා මහ බැංකුවෙන් ලබා ගත් සංවේදී රහස්‍ය තොරතුරු උපයෝගී කර ගනිමින් නීතියානුකූල නොවන ආකාරයෙන් රුපියල් කෝටී 9147 ක මුදලක් උපයා ගැනීම රජයට අලාභ කිරීම හා අනුබල දීම යන චෝදනා යටතේ ඔවුන් දෙදෙනා අත්අඩංගුවට ගෙන රක්ෂිත බන්ධනාගාර ගත කර තිබේ.
Facebook Comments
