බ්‍රිතාන්‍යයේ ශ්‍රී ලංකා මහ කොමසාරිස් කාර්යාලය ඉදරිපිට උද්ඝෝෂණයේ නිරත පිරිසකගේ ගෙල සිඳින බවට සංඥා කල මහ කොමසාරිස් කාර්යාලයේ ආරක්ෂක උපදේශක බ්‍රිගේඩියර්ට එරෙහිව ලන්ඩන් මහේස්ත්‍රාත් අධිකරණයේ නඩුවක් ගොණු කර තිබේ.
බ්‍රිගේඩියර්වරයා අත්අඩංගුවට ගැනීම සඳහා වරෙන්තුවක් නිකුත් කරන මෙන් ඉල්ලමින් නඩුව ගොණු කර ඇති අතර උපදේශක බ්‍රිගේඩියර් ප්‍රියංක ප්‍රනාන්දුගේ තර්ජනාත්මක හැසිරීමට එරෙහිව අඩුම වශයෙන් පොලිසියට පැමිණිලි 50ක් කර ඇත.
වෙස්ට්මිනිස්ටර්, වෙම්බ්ලි, දකුණු හැරෝ සහ බිෂප් ඕක්ලන්ඩ් මුල් කොටගත් පොලිස් ස්ථාන කිහිපයක කර ඇති පැමිණිලි වලින් බ්‍රිගේඩියර් ප්‍රියංක ප්‍රනාන්දු මරණ තර්ජන කළ බවත් කලහකාරී ලෙස හැසිරුනු බවටත් චෝදනා නගා තිබේ.
ලන්ඩන් අගනාගරික පොලිසිය පවසන්නේ බ්‍රිගේඩියර්වරයාගේ තර්ජනාත්මක හැසීරිම සම්ඉන්ධයෙන් ලැබුණ පැමිණිළි සම්බන්ධයෙන් පරීක්ෂණ ආරම්භ කර ඇති බවයි.
මේ අතර ශ්‍රී ලංකා රජය බ්‍රිගේඩියර් වරයාගේ ක්‍රියා කලාපය අනුමත කිරීමට විරෝධය පල කරමින් මුල් පෙලේ දෙමළ ඩයස්පෝරා සංවිධාන සියල්ලක්ම පාහේ එක්වී ඔහුගේ තානාපති මුක්තිය අහෝසි කොට අධිකරණය හමුවට පමුණුවන ලෙස බල කරමින් 9 සිකුරාදා ඒකාබද්ධ උද්ඝෝෂණයක් කැඳවා තිබේ.
Facebook Comments
