ඡන්දෙට නාවොත් හිරේට

0

පළාත් පාලන ආයතන ඡන්ද විමසීම් රාජකාරි සඳහා පත් කර තිබෙන සියලුම නිලධාරීන්,සේවකයන් සේවයට වාර්තා කිරීම අත්‍යාවශ්‍ය බව මැතිවරණ කොමිෂන් සභාව නිවේදනය කරයි.

ඡන්ද විමසීම් රාජකාරි සඳහා යොදා ගැනීමට නියමිත සමහර රජයේ නිලධාරීන්, සේවකයන් සාධාරණ නොවන විවිධ හේතු ඉදිරිපත් කරමින් රාජකාරියට නොපැමිණ සිටීමට හා ඡන්දය විමසීම සඳහා අවශ්‍ය වාහන නිදහස් කිරීමෙන් වැළකී සිටීමට උත්සහ කරන බවට තොරතුරු ලැබී ඇති බවයි මැතිවරණ කොමිසම පවසන්නේ.

මැතිවරණ කොමිෂන් සභාවේ විධාන අනුව ක්‍රියා කිරීමට සියලු රාජ්‍ය නිලධාරීන් බැඳී සිටින බව සිහිපත් කරන කොමිසම එම විධාන උල්ලංඝණය කිරීම, රුපියල් ලක්ෂයක දඬයකට හෝ වසර තුනක සිර දඬුවමකට හෝ එකී දඩය සහ බන්ධනාගාරගත කිරීම යන දඬුවම් දෙකටම යටත් වීමට හේතුවන වරදක් බව අවධාරණ කරයි.

එබැවින් 2018 පෙබරවාරි 10 දිනට නියමිත පළාත් පාලන ඡන්ද විමසීම නිසි ලෙස පැවැත්වීම පිණිස අදාළ රාජකාරි ඉටු කිරීම පැවරී ඇති සියලුම රජයේ/ රාජ්‍ය ආයතනවල නිලධාරින්/ විදුහල්පතිවරුන් හා ගුරුවරුන් ඒ සඳහා ස්වකීය වගකීම් නීත්‍යානුකූලව ඉටු කරන ලෙස මැතිවරණ කොමිෂන් සභාව වැඩි දුරටත් ඉල්ලා සිටි.

Facebook Comments

wedding people