ජාතික අපේක්ෂාවන් වෙනුවෙන් එක්වන්න

0
435
Ivory Agency Sri Lanka
HailHost
wedding people

අප ලබා ඇති ජයග්‍රහණයන්හි ඵල භුක්ති විදිමින් ජාතික අපේක්ෂා සම්පූර්ණ කරගැනීමට මෙවර සිංහල,දෙමළ අලුත් අවුරුද්දේ එක්සිත්ව අධිෂ්ඨානයෙන් යුතුව පෙළ ගැසෙන්නැයි ජනාධිපතිවරයා ඉල්ලා තිබේ.

අලුත් අවුරුද්ද නමැති අනර්ඝ සංස්කෘතික උත්සවය වෙළෙඳපොළ යාන්ත්‍රණයේ පරිභෝජනවාදී මතවාදයට ගැතිව ඇති කලෙක එහි ගැඹුරු හරය තේරුම් ගැනීම සඳහා මෙවර අලුත් අවුරුද්දේ අවධානය යොමු විය යුතු බව ජනාධිපති මෛත්‍රීපාල සිරිසේන සිය අලුත් අවුරුදු පණිවුඩයෙන් පෙන්වා දී ඇත.

අලුත් අවුරුද්ද යනු මිනිසා පරිසරය හා සොබාදහම වන්දනය කිරීමේ උළෙලක් බව පෙන්වා දෙන ජනපති සොබාදහම දේවත්වයෙන් සැලකීම සාමාන්‍ය ජනතාවගේ මෙන්ම රජුන්ගේ ද පිළිවෙත බව ද කියා සිටී.

“ස්වභාව ධර්මයේම දරුවන් වන අපි එය අපට බැහැරින් ඇති යමක් ලෙස සලකා ඊට අවහිර කෙළෙමු. දැන් අප එළැඹ සිටිනුයේ සොබාදහම සමඟ ඒකාත්මික වීමේ අවශ්‍යතාව වඩ වඩාත් දැනෙන මොහොතක් වෙතය.” යනුවෙන් ජනාධිපතිවරයා සිය පණිවුඩයේ වැඩි දුරටත් සඳහන් කර ඇත.

Facebook Comments

HailHost