රාජපක්ෂ පාලනයේ පැවැත්ම වෙනුවෙන් මේ රට තුළ දියත් කළ දුෂණය,භිෂණය සහ ඇතුලු මිනීමැරුම් පමණක් නොව ඔවුන් කොල්ලකා ගත් ධනය රටේ ජාතික ධජයෙන් යට සඟවා ගත් බවට විදේශ ඇමතිවරයා චෝදනා කරනවා.
අයථා ලෙස රාජපක්ෂවරුන් උපයාගත් ධනයෙන් ලංකාවේ පමණක් ඉඩම් නිවාස සහ දේපළ වල වටිනාකම රුපියල් මිලියන 2000 අධික බව මෙන්ම එය මහා කන්දක පුංචි කොටසක් බවට අමාත්‍ය මංගල සමරවීර කියා සිටියේ ඊයේ (16) පැවති මාධ්‍ය හමුවකදීය.
රුසියාවේ හිටපු තානාපති උදයංග වීරතුංගගේ ලංකාවේ ගිණුම් 16 මේ වන අත්හිටුවා ඇති බව පෙන්වා දුන් ඇමතිවරයා එම ගිණුම් වල රුපියල් කෝටි 300 ආසන්න මුදල් ඇති බවද හෙළි කළේය.
හිටපු ජනපති මහින්ද රාජපක්ෂගේ නමින් කිසිඳු දෙයක් මේ වන තෙක් ඔප්පු කර නැති මුත් ඔහු කටයුතු කර ඇත්තේ තමන්ගේ පැවැත්ම වෙනුවෙන් රාජපක්ෂ පවුල් සමාගමට හා තමන්ගේ මිත්‍ර සනුහාරයටම වංචා දුෂණ හොර මැර කම් මෙන්ම කොමිස් ලබා ගැනීමට ඉඩ දී බවටයි විදෙස් ඇමතිවරයා අවධාරණ කළේ.
මිනිමැරිමෙහි උල්පත
එම අයථා ක්‍රියාවන් රටට හෙළිදරව් කළ ජනමාධ්‍යවේදින්ට පහරදුන් අකාරයන් දැන් හෙළි ඇති බවත් එක්නැළිගොඩ පරික්ෂණයේදි පළමු සැකකරු ලබා දුන් කට උත්තරයේ “එක්නැළිගොඩ මුණ ගස්සන්න ඕනේ මේක සෙකට්‍ර්ගේ ඔඩර් එකක් මේක හරියට වෙන්න ඕනේ” යැයි කී අමාත්‍යවරයා “කවුද මේ කතා කරන සෙකට්‍ර් පසුගිය රජයේ සුපිරිම බලවතා වුන ආරක්ෂක ලේකම් මම මේවා වගකීමෙන් කියන්නේ” යැයිද පැවසීය.
තම පවුලේ මහා පරිමාණ වංචා දුෂණ හොර මැර කම් භිෂණයෙන් මැර බලයෙන් මෙන්ම පැහැර ගැනීමෙන් හා අතුරුදහන් කිරීමෙන් පමණක් නොව මරා දැමීමෙන් හෝ වසන් කිරිමේ කටයුත්ත ක්‍රීයාත්මක කළේ ආරක්ෂක ලේකම් කාර්යාලයෙන් බව හෙළිව ඇතැයි පැවසු ඇමතිවරයා එකළ “මිනිමැරිමෙහි උල්පත” වී තිබුණේ ආරක්ෂක ලේකම් කාර්යාලය බව දැන් පැහැදිලි වී ඇති බවද පෙන්වා දුන්හ.
ගෙවල්කඩාල් හන්දිකඩාල්
මේජර් ජෙනරාල් කමල් ගුණරත්න විසින් ප්‍රකාශයට පත් කොට ඇති “රණමඟ ඔස්සේ නන්දිකඩාල්” නම් පොතේ ඉංග්‍රීසි පිටපත උපුටා දක්වමින් උපහාසයෙන් යුත්ව “නන්දිකඩාල් නෙමෙයි, ගෙවල්කඩාල් හන්දිකඩාල්” යයි පැවසු අමාත්‍යවරයා එම පොතෙහි සඳහන් වන්නේ යුද හමුදාව විසින් නිරායුද වැසියන්ට එරෙහිව ප්‍රචණ්ඩ ක්‍රියා සිදුකළ ආකාරය බවයි කියා සිටියේ.
නිර්දේශයක් පමණයි
යුද අපරාධ චෝදනා සම්බන්ධ විමර්ශන සඳහා විදේශීය විනිශ්චයකාරවරුන් සහභාගි කර ගැනීම සඳහා ඇති ඉඩකඩ සම්බන්ධයෙන් මාධ්‍යවේදීන්ගේ ප්‍රශ්න කිරීම් හමුවේ ඇමතිවරයා කියා සිටියේ එය එක්සත් ජතීන්ගේ “නිර්දේශයක් පමණක්” බවයි.
අධිකරණය කෙරෙහි දේශීය හා ජාත්‍යන්තර වශයෙන් බිඳී තිබුණු විශ්වාසය නැවත ගොඩ නැගෙමින් පවතින බවට සුබවාදී මතයක් පලකළ විදේශ අමාත්‍යවරයා යුද අපරාධ විභාග කිරීම සම්බන්ධයෙන් අනුගමනය කළ හැකි විකල්ප යාන්ත්‍රණ පිළිබඳව රජයේ අවධානය යොමුවී ඇති බව මාධ්‍ය වේදීන් හමුවේ දැනුම් දුන්නේය.
ජිනීවා යෝජනාව ක්‍රියාත්මක කිරීම සඳහා එක්සත් ජාතීන් විසින් සලසා දීමට නියමිත අමතර දෙවසරක කාලය තුලදී රටට සංහිඳියාව උදා කර දීමේ හැකියාව ගැන විශ්වාසය පල කළේය.
Facebook Comments
