එජාප ජනපති අපේක්ෂකයාට සහාය දෙන්න මෛත්‍රීට අවස්ථාවක්

0
1698
wedding people
Loading...

ඉදිරි ජනාධිපතිවරණයක දී එක්සත් ජාතික පක්ෂයෙන් ඉදිරිපත් වන අපේක්ෂකයාට සහාය දැක්වීමට ජනාධිපතිවරයාට අවස්ථාව ඇතැයි විදුලි සංදේශ හා ඩිජිටල් යටිතල පහසුකම් අමාත්‍යවරයා ප්‍රකාශ කර තිබේ.

එහෙත් ජනාධිපති මෛත්‍රීපාල සිරිසේන හට එක්සත් ජාතික පක්ෂ ජනපති අපේක්ෂකත්වය ලබා නොදෙන බව සිය අමාත්‍යංශයේ පැවති මාධ්‍ය හමුවක දී කැබිනට්‌ නොවන අමාත්‍ය අජිත් පී. පෙරේරා අවධාරණය කළේය.

නැවත වතාවක් ජනාධිපතිවරණයට ඉදිරිපත් වීමට මෛත්‍රීපාල සිරිසේන ජනාධිපතිවරයා හට කිසිදු සුදුසුකමක්‌ නොමැති බව ද අමාත්‍යවරයා කියා සිටියේය.

වත්මන් ජනාධිපතිවරයාගේ ධූර කාලය 2020 ජනවාරි 08 දා අවසන් වන බව පැහැදිලිව තිබිය දී ඔහු ඒ සම්බන්ධයෙන් ශ්‍රේෂ්ඨාධිකරණ මතය විමසීමට යන්නේ ජනතාව අතර කුතුහලයක්‌ ඇති කිරීමට බවටයි ඇමැතිවරයා චෝදනා කරන්නේ.

එම මතය විමසීම නව අගවිනිසුරුවරයා පත්වීමෙන් පසුව සිදු කරන බවට ශ්‍රී ලංකා නිදහස්‌ පක්‍ෂ මහලේකම් දයාසිරි ජයසේකර මන්ත්‍රීවරයා ප්‍රකාශ කිරීම තුළින් අධිකරණයට බලපෑමක්‌ සිදු කර ඇති බව ද විදුලි සංදේශ හා ඩිජිටල් යටිතල පහසුකම් කැබිනට්‌ නොවන අමාත්‍ය අජිත් පී. පෙරේරා වැඩි දුරටත් සඳහන් කළේය.

Facebook Comments

Loading...