යෝජිත නව ව්‍යවස්ථාව සකස් කිරීමට විරුද්ධව කටයුතු කරන පිරිස්වලට ආණ්ඩුවේ බස් එකෙන් බැස යා හැකි බව පාර්ලිමේන්තු මන්ත්‍රී මුජිබර් රහුමාන් කියා සිටි.
නව ව්‍යවස්ථාවක් සකස් කිරීම මැතිවරණ පොරොන්දුවලින් හා ප්‍රකාශවලින් ජනතාවට ලබාදුන් පොරොන්දුවක් බව සිහිකල මන්ත්‍රීවරයා ඒ සඳහා ජනවරමක් ලැබී තිබෙන බවද අවධාරණය කළේය.
සියලු දෙනාගේ කැමැත්ත වන නව ව්‍යවස්ථාවක් සකස් කිරීම සිදුකිරීමට ආණ්ඩුව සැලසුම් කර තිබෙනද ආණ්ඩුව නියෝජනය කරන ඇතැම් ශ්‍රී ලංකා නිදහස් පක්ෂ මන්ත්‍රීවරුන් හා ඇමැතිවරුන් මෙය විවේචනය කරන බවටයි මන්ත්‍රී මුජිබර් රහුමාන් චෝදනා කරන්නේ.
කෙසේ වෙතත් එක්සත් ජාතික පක්ෂය ප්‍රමුඛ ආණ්ඩු බස් එක ගමන් කරමින් තිබෙන්නේ ජනවරමට අනුව බැවින් ජනවරමට පිටින් කටයුතු කරන මහජන නියෝජිතයන්ට ආණ්ඩුවේ බස් එකෙන් බැස යා හැකි බව හෙතෙම එහිදී සඳහන් කළේය.
Facebook Comments
